شعبيات - مشاهدة مشاركة بصفحة مستقلة

المجلجل · 14-04-2006, 00:24

اليوم الظهر بعد الصلاة وانا بغرفتي دخل اخوي الكبير ومعه جريدة الرياض بيقراها عندي لان الغرفة الوحيدة اللي بالبيت ما فيها ازعاج هي غرفتي.
تدرون غرفتي احيان كثير تكون مجلس للعائلة يقولون لانها باردة بصيف دافيه بشتاء >>> هذا طقس دولة مو غرفة

المهم دخل اخوي وجلس يقرا الجريدة والتلفزيون شغال على قناة العربية وكانت فيه اخبار الساعة وحدة الظهر.
انا جالس افطر وقتها ( فطوري المفضل سندويش جبنة وغوري شاي ربيع ).
وكنت مو مهتم بالاخبار يعني اسمعها وما اشوفها كل همي وقتها الفطور لاني كنت جوعان

وفجاة وانا امضغ السندويش قال اخوي هذا انت

انا طالعت بتلفزيون وما اشوف الا هذا البرادعي حق التفتيش عن الاسلحة النووية

قلت في نفسي اخوي اليوم ملحوس عقله

رجعت امضغ السندويش واشرب الشاي ويرجع اخوي يقول والله العظيم هذا انت

هذي المرة طنشت خفت اشوف بالتلفزيون صورة شارون عاد وقتها بصير عندي انهيار عصبي لان اخوي يشبهني بشارون

خلصت مضغ والتفت لاخوي وقلت له الحين كل شوي تقول هذا انت هذا انت وش السالفة؟
قال اخوي صورتك بالجريدة طالعة

قلت خير... صورتي انا بجريدة الرياض طالعة!! ليش وين صور الوزراء لا يكون ما عند الجريدة صورهم عشان كذا حطوا صورتي

اخوي قال تعال شوف
شفت الجريدة وما اشوف الا صورتي

صورتي طلعت بإعلان لمحتويات مجلة تصدر كل سبت وكان فوق صورتي مكتوب ان قضية عدد هذا الاسبوع هي عن حقوق المعاق ونظرة المجتمع له... وكثير كلام.
السؤال الحين ما لقوا الا صورتي انا عشان يحطونها بالعدد يعني انا المعاق الوحيد بالسعودية

هذي الصورة التقطت ايام التخرج من مركز التاهيل المهني للمعاقين بالرياض وكان الدكتور الغفيص هو اللي يسلمني الشهادة وهو طالع معاي بصورة

قلت لاخوي راح ارفع على المجلة قضية ليش ينشرون صورتي بدون اذن مني وبعدين دام عندهم هذي الصورة بذات ليش ما نشروها وخلوا امي تفرح

امي لما قلت لها يوم التخرج بتلفون بكرة صور التخرج راح تطلع بالجريدة شوفيها لاني ايام حفل التخرج كان فيه كثير مصورين ومن كثر الفلاشات اللي تكبس اكيد صوروني

اليوم الثاني الوالدة مقومه اخوي من بعد صلاة الفجر تقول له راح جب جرايد.. اخوي يقول يمه الجرايد ما تجي الا الساعة 11 هي تقول راح يمكن غيروا موعد جيتها

والله وقتها حزنت على امي لان نفسها تشوفني وانا استلم الشهادة والجرايد الله يهديهم ما طلعوا من الحفل الا صورة الدكتور الغفيص ومدير المركز بس

.
.
.
تدرون شي يفرح ان فيه لسه ناس تؤمن بحقوق المعاق وتطالب فيها معنا

.
.
.
ما راح اقولكم مجلة وش اللي راح تطلع فيها الصورة >>> توقع بس الناس بتموت لو ما قلت لهم

.
.
.
تنويه/ هذه الصورة كانت قبل خمس سنوات اذاٍ لا تعبر عن شكلي الحالي >>> ام الجحده

وبعد كنت بدون شماغ ولابس النظارات الطبية ووزني زايد مو مثل الحين ناحف كثير

.
.
.
مفردات/
غوري = ابريق.

امضغ = اعلج او اجتر

14-04-2006, 00:24	#84
المجلجل المنتهي قبل البداية...!!	رد : ’, درب الثرثرة ,’ اليوم الظهر بعد الصلاة وانا بغرفتي دخل اخوي الكبير ومعه جريدة الرياض بيقراها عندي لان الغرفة الوحيدة اللي بالبيت ما فيها ازعاج هي غرفتي. تدرون غرفتي احيان كثير تكون مجلس للعائلة يقولون لانها باردة بصيف دافيه بشتاء >>> هذا طقس دولة مو غرفة المهم دخل اخوي وجلس يقرا الجريدة والتلفزيون شغال على قناة العربية وكانت فيه اخبار الساعة وحدة الظهر. انا جالس افطر وقتها ( فطوري المفضل سندويش جبنة وغوري شاي ربيع ). وكنت مو مهتم بالاخبار يعني اسمعها وما اشوفها كل همي وقتها الفطور لاني كنت جوعان وفجاة وانا امضغ السندويش قال اخوي هذا انت انا طالعت بتلفزيون وما اشوف الا هذا البرادعي حق التفتيش عن الاسلحة النووية قلت في نفسي اخوي اليوم ملحوس عقله رجعت امضغ السندويش واشرب الشاي ويرجع اخوي يقول والله العظيم هذا انت هذي المرة طنشت خفت اشوف بالتلفزيون صورة شارون عاد وقتها بصير عندي انهيار عصبي لان اخوي يشبهني بشارون خلصت مضغ والتفت لاخوي وقلت له الحين كل شوي تقول هذا انت هذا انت وش السالفة؟ قال اخوي صورتك بالجريدة طالعة قلت خير... صورتي انا بجريدة الرياض طالعة!! ليش وين صور الوزراء لا يكون ما عند الجريدة صورهم عشان كذا حطوا صورتي اخوي قال تعال شوف شفت الجريدة وما اشوف الا صورتي صورتي طلعت بإعلان لمحتويات مجلة تصدر كل سبت وكان فوق صورتي مكتوب ان قضية عدد هذا الاسبوع هي عن حقوق المعاق ونظرة المجتمع له... وكثير كلام. السؤال الحين ما لقوا الا صورتي انا عشان يحطونها بالعدد يعني انا المعاق الوحيد بالسعودية هذي الصورة التقطت ايام التخرج من مركز التاهيل المهني للمعاقين بالرياض وكان الدكتور الغفيص هو اللي يسلمني الشهادة وهو طالع معاي بصورة قلت لاخوي راح ارفع على المجلة قضية ليش ينشرون صورتي بدون اذن مني وبعدين دام عندهم هذي الصورة بذات ليش ما نشروها وخلوا امي تفرح امي لما قلت لها يوم التخرج بتلفون بكرة صور التخرج راح تطلع بالجريدة شوفيها لاني ايام حفل التخرج كان فيه كثير مصورين ومن كثر الفلاشات اللي تكبس اكيد صوروني اليوم الثاني الوالدة مقومه اخوي من بعد صلاة الفجر تقول له راح جب جرايد.. اخوي يقول يمه الجرايد ما تجي الا الساعة 11 هي تقول راح يمكن غيروا موعد جيتها والله وقتها حزنت على امي لان نفسها تشوفني وانا استلم الشهادة والجرايد الله يهديهم ما طلعوا من الحفل الا صورة الدكتور الغفيص ومدير المركز بس . . . تدرون شي يفرح ان فيه لسه ناس تؤمن بحقوق المعاق وتطالب فيها معنا . . . ما راح اقولكم مجلة وش اللي راح تطلع فيها الصورة >>> توقع بس الناس بتموت لو ما قلت لهم . . . تنويه/ هذه الصورة كانت قبل خمس سنوات اذاٍ لا تعبر عن شكلي الحالي >>> ام الجحده وبعد كنت بدون شماغ ولابس النظارات الطبية ووزني زايد مو مثل الحين ناحف كثير . . . مفردات/ غوري = ابريق. امضغ = اعلج او اجتر التوقيع: آخر الحديث / أفهم جيداً بأنّ الحب قدرٌ يأخذنا حيثُ يشاء .. لكنّني لا زلتُ أجهل لِمَ يأخذْ أحدنا .. ويترك الآخر!! . . . طفلة ذاك المساء..