[إبراهيم الوافي]

الرسالة الأصلية كتبت بواسطة حلمـ ـالبنفسجـ

.
.
.

مقوى باسك .. وأنت لاهي وماتحس ..!!
فاقد الإحساس ..
لايمكن يحس ..
اهنيك ..
اهنيك ..

شفتها ..
شفتها ..
شفت النهايه .. وعشتها
شفت المحبه صارت لها
شفت الوله مثلي يموت ..
ويـُولد بقلبك ..
عشقها ............
شفت الجفا .. شفت الجحود
توعد ..وتخلف بالوعود !
شفت الخيانه .. وهدر الأمانه
وشفت الحقيقه بعينك تقول ..
إنك لها ..
إنك لها ..!!




كنت اظن إنك وفيت ..
إحساس صدقته ومشيت ..
دربي الصعب ..
وكنت انتظر بس جيتك ..
افرح وازين ضحكتي
واستقبلك ../ استقبلك ..
انسى حياتي .. واذكرك
واسأل واقول .. وش غيرك ..؟
يا دنيتي .. وش بدلك ..؟
وش مشغلك ..!!
وش مشغلك ...!!




اتعبني إحساسي كثير ..
وتعب أنا .. بس أنتظر
اسرح .. بفكري واسأله ..
معقول اشوفه .. وابتسم !!
أو راح يغيب ../ وينهدم ..
حلمي واعيش بلا حلم !!
بس المهم ..
واللي أهم ..
إنه حبيبي ... بالف خير..



هذي بداية قصتي ..
أو هي .. نهاية رحلتي !!
ماتختلف .. هالكلمتين
دام اختلف في ناظري شوقي لحبك ..
ماعاد ابيك ../ ماعاد ابيك
وماعاد يعنيني ابد ..
لو المشاعر تحتضر ..
ويـُولد بقلبك عشقها ..!
واصير أنا .. ماضي اندفن
وتعيش أنت .. بقلبها



مايختلف .. هذا وذاك
نفس المصير .. نفس الوهم
بس المهم ..واللي أهم
إنك تحس بقربها ..
إنك تلامس نبضها ..
إنك تصون عشق أنولد ..
وإنك بصدق .. .. ..
إنك بصدق ..
إنك بصدق .. توفيّ لها .. !!

.
.
.
.

اخر محطات الوجع ..
.
بعض الحكي ..
يولد على شفاه .. العتب
ويموت ......
وشلون ابـ احكي ..
والحكي كله ..
سكوت ..!!
وش فاد به صوتي ..!!!
لاصرت ...
وحدي ..
...
..
ماينفع الصوت ..!!!
.
.
.

ياااا بنفسج ...

جيت النهاية وعشتها ..
عشت البداية ومتها ..!
ماهو غريب ... إنك تخونْ
وإنك على قلبي تمون ..
ماهو غريب ... إن الحبيب ..
اللي رسم وجهي على آخر مدى ..
يبقى صدى .. وأبقى الحبيب اللي اهتدى .. بالذكريات ..!
مافات .. ماتْ
كنتَ السعيد اللي جرح ..
وكنتَ البعيد اللي فرح ...
وأنا الوحيد اللي اقترح .. وصْل القريبْ ..!
ماهو غريب ..
إن النهاية .. عشتها ..
وان البداية متها ..
دامك قريب .. أبــ انجرحْ ..!

أجمل النصوص تلك التي نتعالق معها ... وندخل بها مدن الشجن من أبواب متفرقة ..
لاحرمنا الله إبداع أصدقائنا