في أقوى حالات التحمّل
هناك انكسارات بهدوء الصمت!
مازالت تتنفّس ,, لتحدّي الضعف فقط!
,‘,‘,‘,‘,
ماتت على كفّك يدي..
:
وقلبي غسلته بالغياب,,
صدمة وبرجع أهتدي
للنور بعدك يا .. سراب!
صعب المواجه؟
أو تبي ترجع تغيب؟
أو لك حاجه؟
جاي تاخذها بطيب؟
خسارة ..
نشفت أغصاني
على شانك وهي تهتز
لاجل كلّ الثواني اللّي
تغني لك .. وقلبي فز!
لأنّك أول انسانٍ قطف
أزهار من روحي
ولاني بس في قربك.. يغرّدني صدى بوحي!
يا عمري .. كم لها جروحي؟
وهي تنزف .. تداري الخوف
وأيام الصبر عطشى
ويدمع شوقها مِ الجوف!
تصوّر حتى أحلامي
تعبّر لك .. شفافية!
حياة الصمت وإلهامي
تسابق لك .. ملامح حب/حنيّة!
ولا اهتميت .. ولا حسّيت
ولا لانت بك القسوة!
خسرت "آنا"
خسرت البهجة اللّي شالها حسّي
تراكم أُمنيات .. و خافقٍ مليان
عطا وأشواق بيضا وحلم ما به
إلاّ أنا وانته!
خسرت الصورة اللي مدّها
"إنسانك" الحيران!
بعد ما اتّضحت الصورة
غلا وإحساس أدمنته!
نعم إنته!
آآآآه يا إنته
تعبت آموت في غيابك
تعبت الخوف لا جابك!
تعبت وما لقيت إلا
وهم و أعذار .. حزن وزيف!
أموت (اشتا) على زيفك .. و (صيفك) يحتضنّي زيف!
:
ماتت على كفّك يدي..
وقلبي غسلته.. بالغياب!
ع.ـذبهـ