البـلا ..
إنـه ما يجااامل .. !
عـيــّا .. يجااامل ..
وكـل ما فيني .. حـّن لـه ..
\/
\/
والله إني من يوم شفتـه يا بدر ماني بخـير "=" أشهـد إن العـشق بلـوى والمحبـه مشكلــة
لابـس ٍتـاج الرزانـه جـادل ٍتـّـوه صغـير "=" ما ذبحنـي غـير ثقـلـه يا بدر يا مثقلـه
ما وقـف وقفـة غـزال ٍ بالمفالي مستــذير "=" واقـف ٍ وقفـة حشيـم ٍعـّـزه الله وقبلـه
يـوم شفتـه لـد يمي جـاني إحساس ٍ خطـير "=" ما دريت إلا وأنـا أشـرع .. بالدعـا والبسملـه
نـظرةٍ طشـّـت طيور ٍبالسمـا كانت تطـير "=" رابـط ٍجـاشي ولاكـن .. حـلحـلتني حلحلـه
إبتـلاني بالعيون الناعسـه ولو لـي مطـير "=" كـان أجنـّـب عـن عـذاب ٍما قدرت أتحملـه
ولو ملكني بالتغنـج وإبتسم .. وش يصير ؟ "=" البـلا إنـه ما يجامل .. وكل مافيني .. حـن لـه
ولو عـطاني من حنـانه لو قلـيل ٍكـثير "=" كـان ما رحـت أشتكي لـه .. من حنـاني وأسـأله
ماني أول من غـرق في بحـره ولاني بالأخير "=" في بحـر زينـه ما تمـيز آخره .. عن أولـه
صادفتني وأنا سـالي وإبتلا فيها الضمـير "=" ولا جنـيت من المشاهـد كـود كثر البهـذلــه
حامـل ٍمسـك المحاسـن .. فايـحٍ مثل العـبير "=" ولو يعـاف المسـك جالـه .. في عبيره يحملـه
لا طويـل ٍزاد طولـه .. لا ولا مــّـره قصـير "=" ولا بياض ٍ فوق حـّـده .. ولا سواد ٍيخـجلــه
الشعـر من فوق متـنـه ما تقـول إلا حـرير "=" هـو صحيح الكامـل الله .. مير ربـك كملـّـه
والنحـر والعـنق يغري .. والعقل عقل البصـير "=" آيـة ٍمن عـند رب العالمـين .. منـّـزلـه
جامـع ٍزيـن العـذارا بالحــلا مالـه خشـير "=" وإن بغـيت المـوت نـاظر بالمـدامع وإزهلـه
ومبسمـه .. واللي خلقني كنــّـه إشفاق العـصير "=" ما يولـي عـن غـرامـه كود راعي الأولـه
والمحبـه ما تعـّـيب لا صغــير ولا كبــير "=" وإعتبرهـا بإعتقادي .. شي ضمـن المرجـلـه
وسلامة قلوبكم
حقوق الجرح محفوظة *