01-03-2006, 23:08
|
#1
|
شاعر
|
* تظنّه : صدق ينسانا *
وقفا قريباً من بعضِهما ..
لا يعرفها ، لم ينظر اليها , لم تشعر بوجوده !!
بدأ الغنــاء :
منفرداً .. دون رفع ٍ للأكف
ومن غير إبصار لما يجري !؟
وانتهى : بغناءٍ مشترك
يجمع كل ما قيل في " قارورة ٍ" محكمة الإغلاق ترمى في البحر
علّ الأقدار تصل بها لزمن ٍ آخر .. و.. اقوام ٍ آخرين !! |
خايفه إني أحبـك .!
لا تخافي
انا اصلاً مالي قلب ..
مات بين ايدين " حواء "
يوم اصدّقها .. واكذّب هالحياة !!
كانت الدمعه
وكانت
أحلى بسمه في الشفاة
قبل لا يكتب هوانا : نلتقي .. بس بغدر .!؟
كل يوم اوقف هنا
آتذكر .. و آتألم .. و انتظر
و اسأل أنوار الشواطي : وين انا ؟
كنـّي عايش لاجل اسامر وحدتي
لاجل اغنّي للبحر :
[ غدّار اعرفك .. يـا نظر .! ]
لاجل أحضن كل موجه
تمحي كل اللي كتبته
وانسى إحساسي وشوقي
وما لخطواتي أثر .! |
خايف انّي بيوم احبك .!!
لا تخاف ..
ما بقى إحساس فيني .. غير ذنب
اني يوم صدّقت آدم .!
ما دريت انّه أناني
ينقلب إنسان ثاني :
لا نوى يكذب ويبعد
لا نوى يرحل .. ويترك هالشواطي
تشتكي الليل وسكوته
وعاشقه .. مع كل موجه
-يوم صدفه ردّها الماضي هنا -
تعيش في ذكراه .. موته
في كلامه .. في حروفه
في بحر هادي .. و .. بنت !
إرسمت له : مرّه في نفس المكان
فوق هذا الرمل .. قلب .!! |
" أمـل "
كلمه لها معنى
أمـل
تشفي مواجعنا
تخلينا .. نحب بكرا
ونعيش .. و .. ننسى واقعنا
وأحياناً ..
أملنا يخون وينسانا
ويبقى ذنبه المجنون يهوانا
ثواني .. تفوت
أماني .. تموت
ونسأل .. نفسنا بـ سكوت :
أملنا ليه ماجانا .!؟
" أمـل "
تهنا .. معاه سنين
شقا أمس .. وحزن هالحين
أمل .. باكر !
وكل الخوف : من باكـر
مدام ان الفجر مسكين
يجي كله فرح واشراق
يحسب انّه يريّحنا
يجينا بعد ما رحنا
أجل : مايدري ان الليل
وسكونه جنَة العشاق .!!
وإن اول خيوط الشمس :
يطيح من السما سكَين .!!
ونرجع ننتظر ليله .. و.. امل ثاني
وسؤال اكبر من الأول :
تظنـّه صدق ينسانا !
أو انّه انتهى منـّا
ورااااح يمنـّي الباقيـن ؟ |
|
|
|