[بـندر العبدالكريم]

الرسالة الأصلية كتبت بواسطة ابراهيم الرشود

لوقتٍ مضى .. ولكن ليس بكل مافيه !

عذراً لمضايقتكم !




:



لولاي أحبّك :

ماتعبت .. !

ولاصدقت ..

ولاكذبت !


لولاي أحبّك :

ماحرقت أعصابي آبيك تعرِف ..

وانت مخطي .. وتعرِف !


لولاي أحبك :

ما جيك هادي -قبل لا اصالحك- ..

أبيك تفهمها (تقول أي شي)
لجل أسامحك !


لولاي أحبّك :

ما اكحل عيون الرضا ..

وانت تعميها بالسكوت ..

ياخي خلاص ..

انا تعبت ..!

ولاّ انت تبغاني أموت ؟!


متصوّر أنت شلون أحبك ؟!

وحبّي أبد ماله دوا .. !؟

وانا قبل ردّك علي
بقول لك : "مالك لوا " ... !

(أنا وبس اللي أحب) ..
(وأنا وبس اللي تعب) ..

لوّك سمعت فـ غيبتك .. صوت الدرايش والهوا ..

من لوعتي :
كنت أحسب إن الكون في بُعدِك عوى !


واذا سكن كل شي .. أخاف !

واحس هالكوكب خوا !!



متصوّر أنت ؟؟!

أنا تحمّلتك على كثرة طعونك ..

مع إنك أكثر واحد بهالكون يدري إني أصونك !



كنت أندهك كلما كتبت
وأقول لك : "مدد .. مدد" ..

وانا اشهد انك ماذخرت
جروح منك بلا عدد !


لا .. والمصيبه تحبّني !!


تحبني ؟؟!



تحبّني ؟؟!
أمدّ لك كاسي عطش .. على جفاك تصبّني !



أمدّ لك يدي يباس .. تكسر يدي .. وتشبّني !!


:

:

:

وتحبّني ؟؟!









.

بكل عنفوان الصدق ..

ورقة وجمال الحرف ..

يمطرالرشود حباً / عتباً / غيثاً

على أرض الـ مواسم ..



ماأجملك ..
أينما / كيف كتبت ...
فـ للصورة والمعنى معك حالة إبداع منفرده كـ هذه :


أمدّ لك كاسي عطش .. على جفاك تصبّني !

أمدّ لك يدي يباس .. تكسر يدي .. وتشبّني !!

وتحبّني ؟؟!



وتبقى كتابتك دائماً ضمن الأفضل في إحساسنا ..

كل الود والإحترام ..