[عـصي الدمـع]

اشتاقلك .. وجهٍ .. مع الصبح .. مكسور..
و اشتاقلك .. دمعٍ .. مع الليل .. جاري..

واتخيلـك .. بيـن الشبابيـك و الـدور..
قلبٍ .. على عهـد المحبـه .. يـداري..

و اتذكرك .. من بدة الخلق .. مجبـور..
و اصبر على بعدك .. و طول انتظـاري..

ما كنت

اوقف..

بعض الايام..

و آدور..

حول الرصيف..

الا..

بملء اختياري..




ذاك المكان .. اللي جمعنـا ورى سـور..
يومك تقول .. ان آخر السـور .. ذاري..

يوم الغلا .. ما ساقنا صـوب محظـور..
لا تلتفت يمنى .. و لا انظـر يسـاري..

مدري وش اللي حوّل الحي .. مهجور..؟؟!
او هي كذا عيني .. تشوف الحـواري..؟!


ان قلت:

قاصد..

ردد القلب:

معذور..

و ان قلت:

ناسي..

من يرد اعتباري..؟؟




يا الطف من النسمه .. على شمعة النور..
و أهدا من الغيمة .. و انا وسط ناري..!!


ان قلت:

ترجع..؟

عوّد الوجه..

مكسور..

و ان قلت:

تبعد..؟

عوّد الدمع..

جاري...



راااااااائع يا محمد العريني . وقصيدة تقرأ بألسنة من ذهب ....

أعجابي ومتابعتي ليس أكثر ..

صح لسانك