|
الاخ / احمد العبدالعزيز
صح لسانك ولاهنت طال عمرك ولو تسمح لي
بمناقشة بعض الخلل في وزن القصيدة حيث يتضح
قوة معانيك وروعه القافية
تقول في البيت الاول :
قالواصبر كل شي مقــــدّر....مالك على رد المقاديرحيله
يتضح هنا ان الشطر الاول ناقص فلو قلت :
((قالوا( لي) اصبر كل شيٍ مقدر))
هكذا استقام الوزن وقد يكون انك نسيت
اضافة (لي) وهذا البحر مثل ماتعلم هو
(المسحوب)
اما الشطر الثاني فلاغبار علية تمام
****
مجبور لجلك يازين اتصبر....ياما لجلك تحملنا الثقيــلـــه
يابو سلطان كل يوم يتعذر....اربع شهور ومالقينا وسيله
بينما نجد البيت الثاني والثالث مختله الوزن فلو كتبتها على لحن البيت الاول لسارت الامور على مايرام وباعادة نظر سريعه انا متاكد من انك قادر على تعديلها بسهوله0
******
سهران ليلي حايرن واتفكر....تمر ساعات(ن)عليه طويله
جميل ورائع البيت الرابع تام من جميع النواحي
***********
بين الرجاء والياس كني مخدر....لاحي ولاميت نبكي رحيله
زود(ن)على هذا قام يتكبر....تغير اطبوعه وشانة مقيله
ولاكما قال راعي القول وماقصر....برق(ن)تعداك لالاتستخيله
باستثناء الشطر الاول من البيت الخامس يجب عليك اعادة وزن الابيات على منوال البيت الاول
****
اخي الغالي
امل ان اكون كتبت مايفيدك وتاكد باننا في شعبيات ننتظر الرائعين امثالك ليطرزوا سما الشعر بابداعاتهم
انا بانتظار ماتبدع به في الايام القادمة
وتقبل تحياتي
اخوك / عبدالهادي
|