[إبراهيم الوافي]

يا ماشية فوق الزجاج اللي انكسرْ
من دون جرحك بعمي عيون الظلامْ

لا عاده الله ألف شاعر ينتحرْ
من قبل لا يكتبكْ فسطور الغرامْ

الله وأكبر من هواجيس السفرْ
لا طالت الغيبة تذكَّرتَ الخصامْ

يا صادقة بالوعد يا صدق المطرْ
يا مسافرة بالتيه من فوق الغمامْ

واللي جعل فيني مثل كل البشرْ
أخطي وأسامح وأحتمل جرح الكلامْ

ما جيت لك طامعْ ولا جيتكْ قهرْ
ما جيت بابكْ غير لعيونك سلامْ

إن كان صوتي ذنبْ ما ينفع حذر
وإن كان حرفي هم عن شعري بنامْ

أبغى أسألك وشلون يبعدنا الضجر
وانتي وانا دايم مثل ولف الحمامْ ?!