الحقيقه موضوع متعوب عليه وتشكر عليه
واكيد الضيف يستاهل من الدعايه القويه في الموضوع
وابشري يالجازي مانيب طالعه من هالموضوع الا باسئله
اسئلتي للضيف ابدها بسالفه
هذا واحد من الشباب راح يخطب
وبعد ما وافقو عليه طلب إنه يشوف البنت
وجت البنت وجلست معه شوي وطلعت
سألتها أمها : هاه بشري يابنتي عساه جاز لك ؟؟
قالت البنت : والله زوين بس فيه شي ما عجبني فيه
قالت الام : وش هو ؟
قالت البنت : اشوفه دايماً يعلك علك وطول ما انا جالسه قاعد ( يمطّق ) العلك في فمه
قالت الأم : بقول لأبوك وأخليه يتصرف معه ويشوف وش سالفته هو والعلك
راح الأب للخطيب يسأله عن سالفة العلكه اللي في فمه أربعه وعشرين ساعه
قال الأب : إلا بغيت أسئلك وش سالفة هالعلك اللي في فمك ما تعتقه ؟؟
الخاطب : انا يا عمي ما آكل علك إلا إذا دخنت
الأب بذهوووول : انت تدخن ؟؟
الخاطب : ما ادخن كثير
الأب بذهوول أكثر : ماتستحي على وجهك يا بو علك
الخاطب : والله يا عمي ما ادخن كثير بس إذا إجتمعت مع خوياي اللي تعرفت عليهم في السجن
الاب : يؤ يؤ يؤ كنت مسجون !!!! وش مسوي ؟؟؟!!!
الخاطب : ما سويت شي يا عمي بس إني قتلت واحد
الأب : وليش قتلته ؟؟؟
الخاطب : كنت خاطب بنته وما عجبه العلك اللي في فمي وقتلته .
يوم رجع الأب للبيت سألته البنت : هاه يبه وش سويت معه ؟؟؟
قال الأب : يا بنتي تراها مجرد علكه لا تعقدين الأمور