[نهر]

ان قلت احبه مٌرض=وان قلت ما به علّه
سوى السما بالأرض=وكـل دمعٍ هـلّه
لو افترض له فرض=خـلاّه أ كبر زلّه
لكن حلاته قرض=يعـطيه دايـم خلّه
ان جيت اضّمه عرض=جاني بصدره كلّه
لا تعتذر والعذر مقبول لا شك=اجمل عتب ان شفت وجهه بعينك
اصل الموده كلها عايشه بك=كل العباره يمحي الصدّ زينك
آسف بعدمثلك وآقولها لك=كفيت انا عني وانا وفيت دينك
وان كان ما زكيت يالوعتي زك=وان كنت ناسي شي بيني وبينك
اذكر -سنا-في عام دكيتني دك=واذكر قسى ليلي ولطفك ولينك
خلّ العتب عطني وباقولك هك=اشرب وبشرب وارتوي من حنينك
دام التقينا خلنّا بس نفتك= القصد غمّض واحتضنك بيدينك
انتثر ليلٍ على ميّاسها=فانتشر عطر الوله بردونها
والهوى ضلّه على نعاسها=يحكي سواليف الندى بعيونها
الكرز خايف يفارق كاسها=والشفق عطشان يشرب لونها
والبكور العذب طيب انفاسها=والصباح\الغيم باقي كونها
مرّ داعي الشوق يطلب راسها=فانتفض برعم وهزّ غصونها
عينها خوفٍ ورا حراسها=ماترد الموت في قانونها
واقبلت خطوه يشعشع ماسها=تطحن الوجدان في طاحونها
وقفّت نظره ضباب نعاسها=يرتفع للشوف باقصى هونها
وامطرت غيمه وهل احساسها=واروت الاحلام باقي مزونها
وادبرت لهفه وكن اعراسها =ليلةٍ تحكي قصصها دونها