.. " ليلة اغتيالي " ..
ان ما سرالي الهم والله لآجيــه
................ و انا اعرفـه لو ما نصيته سرا لي
لاني كذا و الهم داااايم مخاويـه
................ و هو بعد لامن تضايق... مـشى لي
ماقد خبرت الحظ زانت ليـاليـه
................ وان قلت أجامـل صافيٍ .. ماصفالي
عجزت أداري الحزن فالقلب واخفيه
................ و تعبت أرد الموج و البحر عـالي
و مليت أواسي الجرح و الويل واطيه
................. و أصبر على جور الزمن .. و الليالي
الليل راح و مابقى غير تالـيــه
.................. و انا سهـرته غصـب ممـاجرالي
كنت أحسب طعون الزمان و بلاويه
.................. وأنزع خناجــر قسوتـه بإحتمالي
ماهمني لو ضاق كوني ومافـيـه
.................. الموت لامن ضاق بي صدر غالـي !!!
الغالي اللي أزعـل الكون وأرضـيـه
................... ما صدق فحبه عذولٍ وشى لـي
الي ليا ضاقت على صدري أجـيـه
.................... و أرتاح لا شفته و يرتاح بالـي
قبل الوعد دايم أنا في تحـريـه
..................... و أجيه من شوقي أسابق ظلالـي
ما أقول أحبه .. الا أنا ميتٍ فيـه
...................... وشلون ما حبه وهو راس مالي ؟!
وليته كثر مـ أعشقه وأهواه وأغليه
...................... ما قـطـّع اللي باقي ٍ من حبالي
يا للأسف خان الوعـد خان مغليه !!!
...................... واغتالني فـ الظهر وا عزتالـي
الله يبيحه كيف طـاوعتـه ايديه ؟!!!
....................... يا كيف ما رده زمانٍ مـضالي !!
خلي .. حلالي .. دنيتي .. باعني ليه ؟!
....................... ليته يبـرر موقفـه من سؤالي
خلاص هان اللي من سنين نـبـنـيـه
........................ و لا بقا الا ذكـرياتٍ خــوالي
الفرْح وشولـه انـا ويـش أبـي فـيـه
......................... و الحزن شمّات ضحك لاغتيالي
طاح الجمل و اللي بدأ الطعن ينهيــه
.......................... رغم إن مابه للخناجـر مجالي
اللي قتل فـ الحب أسمى مـعـانـيـه
.......................... وأنهى بـ يدّينه على ما بقالي
و اللي هدم فـ القلب عالي مبانيـه
......................... مـن عقـب ماهوب المعاليق عالـي
يا جرح لو تنساه مانيب نـاسـيـه
......................... مـ أنساه لو شارف على الموت حالي
و بالرغم من غـدر الغضي و تجنّيـه
......................... بـ أبقى أنا الي ما تغـيّر خـصـالي
و بـ اجيه ماهوب ضعف قصدي أعزيه
.......................... لأنـه بـيـبـطـي ما لقا له بدالـي
و أبـقى القويّ اللي مشى مع مـباديه
.......................... لا ما تـزحزح لـو تـزيـح الجبالي