[طفلة ذاك المساء]

.





يا جروح العمر وينه! .. ودي إنّي أهتني به
.............. ودي أروي هالخفوق .. وبعدها هاتي المنيّه
يا زمان الذّل تكفى .. ودي لــ عيني تـجيبه
............. في طريق الصّـبر عاشق .. يحتري منه المجيّـه
إطلبه يا رمش عينه .. للي بك روحه صويبـه
............. لو يروف بحال قلبٍ .... ما ذخر عنـه العطيّـه
وإن قسىقلبه ونساني ..باعترف ماهي غريبه
............. صرنا في وقتٍ نخاف النفس لاصارت .. وفيّـه
عشت عمري في ظلاله .. اطلب يقصّر مغيبـه
............. مير قصّر في حضوره .. وارسل النكران ليّـه
لا نويت انساه جهّز من جيوشه لـي كتيبـه
............. لاح هاجس ذكرياته .. وهانت دموعـي عليّـه
ولا نويت ابعد تقرّب طيفه ذكرنـي بطيبـه
............ تنقلب كـل الجـروح .. وكنّهـا اغلـىهديّـه
انشدك يا قلب وش بك جبت لي هم ومصيبه؟
........... كن ربي واهبك له .. وأنت له مخلـوق فيّـه!!
تحتفي به في وصاله وفي غيابه تحتفي به
........... وأنت ماباقي من أحلام الهوى عنـدك بقيّـه
بالهوى مابه خساير كل عاشق لـه نصيبـه
........... الخسارة لو ما كانت روحي بعشقه ضحيّـه
كل عمر وله نهاية والنهاية لـي قريبـه
........... باكتب احبك يا عمري وهذي هي كل الوصيّه


فيصل الخالد