اليكم الجديد ..
كل الوجيه اللي اصادفها تشابه ..
نفس الملامح بالوجيه .. !
تنظر لي بعين الوله .. مثل الحبيبه الأولــّــه .. !
اقرى بها عذب الغرام .. وذيك المشاعر والكلام ..
اللي تقوله في لقــــــاي .. !
يا غايبه تدرين وش معنى الفراق ؟
تدرين .. وش معنى الغيـــاب .. ؟
اني افارق بسمتك .. وافارق العشق العفيف .. ؟
المشكله ماهو الفراق .. الموت من بعد الفراق !!
وشلون ابنسى واروح .. وانتي معي يا غاليه ..
همس ٍ ورووووووح ... !
وشلون ابنسى والتهي .. اليا التفت بهالوجيه .. ولقيتك بكل الوجيه !!
المووووت من بعد الفراق !!!
والله اني من فراقك ما نسيت =كل لحظه من تفاصيل الغرام !
المحبه والتغلي لا قسيت=واعذب الكلمات في وقت الوئام !
والزعل ومعاتبك لا من رضيت=لا تخالط دمع عينك بالملام !
والقوافي والقصايد بيت .. بيت=وانت فيهن معتلي بارفع مقام !
ويا برودك يوم للفرقا نويت=جيتني بكلمة موادع .. والسلام !
والله اني من قساها ما قويت =كانت بعيني تساوي ألف عام !
كل هذا مرّني لين ارتويت=من عذابك .. وانت في صدري تنام !
لك ثلاث اعوام غايب ما اكتفيت =يعني اللي كان يجمعنا كلام ؟!
ياخي ارحم من تولع ما دريت=ان هجر المسلم ال مسلم حرام !!
لعنبوا ذكراك لا منك طريت=يشتعل في داخلي شوق وهيام
شوق ابو مبارك على شوف الكويت=يوم باس ترابها قدم الانام !
ويا كثر ما تلــّني شوقي وجيت=طامع ٍ لقياك يا بدر التمام
والمصيبه ما جنيت اللي بغيت=حظي المقفي معك ما يوم قام !
من غيابك يا هوى بالي ضريت=أرسل اشواقي مع سرب الحمام !
ومن نهاني عن غرامك ما انتهيت =دامك اول ذكرياتي .. والختام
والله اني من فراقك ما نسيت =كل لحظه من تفاصيل الغرام !!
وسلامتكم