السلام عليكم ورحمة الله وبركاته
جيت كلي صوم
...... يا درب الحزن
جيت
يمكن يوم
يمطر هالمزن !
الكون من بعدك جسورٍ وأنفاق = والحيرة اللي خلفيتي معايه
من يوم ما رحتي و ايدي للآفاق = عل و عسى ربي يجاوب دعايه
يا طهر يا عفه ترى الروح تشتاق = انتي من المولى على الأرض آيه
قالوا المطر / جاوبت همسات واحداق = ايام كنتي عالحشايه سمايه
واليوم رحتي للزمن بوس واعناق = ما كنك اللي البارحه في حشايه
مادام عذرك / الزمن يفرض فراق = بيكون عذري للزمن / النهايه
مادام حبيتك بعفه واخلاق = مفروض اواصل ما فرضه البدايه
روحي فمان الله لك الشوق .. أشواق = وإذا نوى قلبك يمازح سوايه
اتذكري قولي ترى الناس اعماق = وسلمي على قلبي / ودوني روايه
وهذي لأني اريدها هنا
اختلف منهج حياتي ما أظنه مستحيل = انطويت من الفراق وصار تعديلي محال
ابتديت بدرب غامض دايم فحظي يميل = لين ما تهت بجنوبي وتاه حظي في الشمال
ليت من يزرع جميلٍ يحصد ويلقى جميل = وليت من يسعى لوصلٍ يوصل ويلقى الوصال
كان شفت الخلق كلهم يتبعوني جيل جيل = كان شفت فبيت الابيض يُدرس أخلاقي عدال
والرجل اللي تشوفه بالعطا أصبح بخيل = أتركه عند المراجل ما يُعد من الرجال
والعيون اللي تشوفك من ورا برقع وشيل = ذيك لو تنظر لعيني ينطلق فيني الخيال
أشهد انها ناظرتني وابتدى دمعي يسيل = كيف لوهي قبلتني! راح تذبحني عجال
كنت أنا مجنون فيها وهي هم اتقول حيل = لين شفت اللي يجيها وانعكس هالوضع حال
كنت انا أعطي كثيري والعطا منها قليل = لعنبوها اكسدتني وهي عامل اختزال
والجبل يبكي إلى قد شفت من أعلاه سيل = مثل دمعي يوم فارقته على الخدين سال
والجفون الجامحه ما تهدر إلا وقت ليل = والعيون الحور أشهد بس تودي للنزال
والهنوف اللي تعدني في خواطرها قتيل = كنت أحبها فوق حبها حب مابه أي جدال
ابتسام ونوره وفاتن بعد يمكن أسيل = ريم مريم أو خلود أو بعد يمكن دلال
كلهم عاشوا بقلبي واغرسوا فيه الفتيل = واشعلوا فيه الخيانة وانفجر قلبي ملال
صرت أنا أضرب مثال اللي يموت ابلا دليل = بس عرفت انها خيانة صرت أنا أضرب مثال
الحلال إني أظل ابحث على شخصٍ خليل = أعشقه وأسمع كلامه لين يعشقني بهبال
بعدها ببدى وأخونه وأتركه وقلبه عليل = وإلا يعني بس فيني يعملو هذا حلال ؟
العدال إني أظل باقي على درب الجليل = والزمن كله مصايب بس يبيله بالعدال
وهذي خاتمه
قلبي محطه وكل الناس زيّاره = يعني المفارق طبيعي دام انا عايش
يكفي طموحي .. وحلمي مثل طيّاره = دامي انا في الهوى يعني انا رايش
حبيب قلبي بعد ما طفى تيّاره = صاروا ينادوه سكّان الهوى طايش
ناس ن تحبني وهم في ناس غيّاره = لذالك افتح قليبي وماني بحايش
يكفي قصيدي ولو ما تجيب سيّاره = اتجيب لي قلب واحد في الزمن عايش
ادري طولت ... العذر منكم
محبكم