.
شـُـرفة :
الصدر محتاج !
مير القلب " قاسي " ..
منظر قديم :
يا عنك الهوى ما يدخل قلوبنا بوضوح .
.................... ترك في عروق أيامنا ما يكفيها
سقى الله ليالي قد مضت طربتن ومزوح !
....................... ليالي يفز القلب لا مر طاريها ..
مضت وإنتهت .. والقلب لي وقتها مجروح !
.................... تقل ماضي الذكرى حلف ما يخليها
سقى الله غلا إنسانة ٍ ساكنه بالروح
................... غلاي إنحبس ما بين رقة محانيها !
وحجره قديمة تاركه بابها مفتوح !
...................... تبي تجمع أرواح المحبين بإيديها
سقى الله حياة ٍ هادية ما تعرف النوح !
..................... هذاك أول اللي كنت أنا ميت ٍ فيها
الين إفترقنا والعشق هدنا .. مسموح
.................... عسى اللي حداها عن طريقي يداريها
هذيك أول اللي لا إذنبت .. ذنبها مدموح !
..................... مضت .. كم سنة من يوم أودع طواريها
هذانا كبرنا .. والعمر عننا بيروح
....................... ولا باقي الا ذكريات ألتهي فيها
وآنا أسج كل ما يطري الماضي المجروح
....................... تقل ذكرياتي حالفه ما تخليها
حقيقة :
كلما ..
زاد الفراق .. إشتد باسي !!
.