[صالح العبدالكريم]

أنا باقي
على عهد الهوى باقي
لاني أكتشفت إنك
تعيش بوسط أعماقي
ولو حاولت أنا أنسى
او أتناسى
يرجعني الوله يمّك
وتعرفني حبيبي زين
أنا مقدر على أشواقي
وكيف أنساك
وخيالك يسكن أعماقي
وكيف أنساك
وحبك يسكن حروفي
وأوراقي

..

فقدتك..
ياللي بعدك ليل
ظلام وخوف
فقدتك ..
ومابقى بي حيل
تعال وشوف
وش سوى الهجر فيني
وعذابي وغربة سنيني
صار الحزن لي شاطي
على رمله .. رسمت قلوب
وكتبت حروف

..

آه يابرد الجفا
لا صارت اللقيا رماد
وانقتل ذاك الوفا
ولبّسني ثياب الحداد
دفّني بوصلك كفى
مليت أنا طول البعاد
شفني هنا
كللي أنا
ذقت العنا




أبداع /

هنا عبدالرحمن الربيّع
ابداً ابداً
لا يليق بأن يعلق بعد هذه الكلمات ابداً ..!
جميـــــــــله يا بورياض بكل ما اوتيت من عاطفه ..

صدقني الآن كنت أحتاج قراءتها / الاحساس اللذي يُحيط بها
تمتلك رقه .. تُحسد من وهبتها إياها ..!



كل التحايا