[وتر]

عطا الله فرحان ..

عندليب الشعر .. وشاعر الارض ..

تتقزم جميع الكلمات امام شاعريته وابداعاته

وقد تكون قصائده هي ادق وصف له عندما نعجز عن التعبير عنه ..





.
.


يعيش الحب! شي عادي .. يموت الحب! وش يعني
.......... مدام قلوبنـا ماتـت مشاعرها .. وهي حيـّه

احسـب الحـب لاجيته على كيـفه .. يطــاوعني
.......... مغفــل من يعيش بهالزمـان .. احـلام ورديّه

من اول ماعرفتك تعطي احساسك .. وتمنعني
.......... واقول تمـون يا نبــع الحـلا والحــب حـنيـّه

كثر ماكنت تكذب في كلامك .. كنت تقنعني
.......... دليـل اني على كـبر الجفــا سلمتك ايـديّـا

عشاني قلت لك مابدخل بهالجو .. طلعني
..........تروح وتاخذ الدنيـا معـاك وتقطع الجيـّه

مع اني قلت اذا ماطاعك الوقت الردي طعني
.......... واذا ماجيتلي كلك تعال لي شويـه شويـه

لك الله يوم اجي مشتاق لك والشوق يدفعني
.......... كأني رايـح للمـوت بإيدينـي ورجليـه

واعـرف ان مـرّ في بالك تولعني تولعني
.......... مدامـه شي في بـالك تجيبه ميه بالميّه

وصلت لمرحله حتى الشعور العذب يخدعني
.......... بحس اني على النيه وانا فعلاً على النيّه

بكمل لك كلامي بس تكفا لا تقاطعني
.......... بقى جمــر الكـلام ودمعةٍ بالعيـن مخفيّـه

امانه قبل اروح وينتهي كل شي طالعني
.......... عشان تعرف وش معنى العطا قبل الانانيه

ابرحل بالطريق اللي يودي مايرجعني
.......... يبي يغنيني الله عن هوى حبك وطاريّـه

خذ الباب بطريقك والعذر ماعاد ينفعني
.......... ترى ماعاد لك قيمة .. ولا للحب اهميّـه

مثل ماتسمع لعبدالكريم ابيك تسمعني
.......... وداعيـّه ياآخـر لـيلـة تجـمعنا وداعيّـه









عبدالحميد الضويان ..

شكراً لك ولاختيارك ...