ياحزن ٍ ماعندك خوي ٍ بدالي=ياخذك مني واتنفس بليّاك
اتنهدك واسهر طوال الليالي=واقول يمكن واعتذر عن خطاياك
مليت حزن ٍ طال ياويل حالي=يسراك تجرح والمأسي بيمناك
تعبت واتعبني زمان أحتمالي=خلاص يكفيني ألم في هداياك
تخفي يميني كتبها عن شمالي=واخفي لواعج لوعتي من سواياك
مايدفعك حرفٍ يدور بخيالي=وان جيت للواقع تدافعت بـ إخطاك
انابشمسك وأنت تسكن ظلالي=ظلمت حي ٍ من طفولته خاواك
لامرحبا بك قلتها أول وتالي=وماقلت لك في طلعتك تم حياك
ابعد وببعد دام جوي صفالي=نفسي أعيش العمر لحظه بليّاك
أشقيتني ياحزن بس إتكالي=على الولي اللي برجواه أبا أقواك
اختكم
وحــش
16/11/2005م