حيا الله اللي يغيب ويسرع الردّه
سليمان بن شريم
حيا الله اللي يغيب ويسرع الردّه
0000 اللي يجيني الا منه تباطانـــــي
قلب يوده وحالي كنها القـــــــدّه
0000 ودّي بشوفه ودونه حوم عقباني
ياصاحبي جارك الله ويش هالصدّه
0000 مهوب حق تولعني وتنســــــانـي
ان كان عندك حكى بي خامل السده
0000 فأنت المصدق وأنا حقي وما جاني
أهرج على ما تورّى والبخت بده
0000 لا تستحي يابعد حيي وحيــــــاني
ترى طراة الهوى لاطالت المـــــده
0000 مهوب يوم صديق ويوم قومانــــــي
وإن كان ما أنتب مصافيني على الشده
0000 وقت الرخا واجد ربعي وخلانـــــــي