ياناس راعي المحبة لا تعذلونه
أحمد الناصر
ياناس راعي المحبة لا تعذلونــــه
مهوب عن صاحبه داله ولا ســـالي
لو يسهر الليل كلّه لا تلومونـــــه
الحب بلوى مــانيب أول ولا تــالـــي
لي صاحب ماقطعت الياس من دونه
لو غاب عني خياله دوم يبرالــــــــي
ودي بشوفه ولا كن ما تهيّا لـــــــــــي
***
الصاحب اللي سحر هــاروت بعيونــه
عزي لحالي عقب فرقا هوى بالـــــــي
***
ياهايف الخصر عيني فيك مفتونــــه
إن كان حالك طواها اللي طوى حالــي
***
ياكود وصلك على مثلي وياهونـــــــه
والعين ماتلتفت في كل الزوالــــــــي
***
عن غيرك القلب غسّلته بصابـــــونه
أبطيت ما أرسلت لك يازين مرسالي
***
مايجرح القلب كود فراق مضنونـــــــــه
غديت مثل المصيح بالخلا الخـــــــــالي