كل عام وانت بخير
لصديقي الأقرب اخذ القصيد وكب باقي السواليف
ياهجعت السارين ياغانم النور=هب الحنين وهز غصن الولايف
كني محول من ورى نايد الطور=يحوف حالي من عنى البعد حايف
لاجيت لاناشد ولانيب مجبور=حبل الموده قطعته الكلايف
البارحه كني على البال مهجور=ولاشوف شيٍ يستحق الحسايف
لاوالذي سواك لاتكثر الجور=الله يبيحك ياحسين ّ الوصايف
ويومٍ ان قلبي بين جفنين محصور=تدميه باهداب الرموش الرهايف
لاتحسب انك من ورى الليل مستور=يطيح زيف ويلبس الوجه زايف
واللي بنى له سور يمرح ورى السور=تركي عليه الذاريات السفايف
اقفي وانا ماني على الدرب معسور=في ذمتي روحت قانع وعايف
تليت لول الحرف من غبة بحور=بيض الفرايد من بياض الصحايف
لجل الفرح للعيد عيدية النور=يوم استوى الهاجوس والفكر كايف
وعن كل ضيقٍ ابتسم كون مسرور=الضيق كبه في الضلوع النحايف
وانا ترى طيب وبالخير مغمور=وحالي مثل ماهو اذا كنت شايف