[نواف الشمري]

من أجمل ماقرأت ..

بعد حلو السنين وعذبة الايام صرنا وين ؟
............... نراجع ذكريات الماضي الحلوه ونكتبها

نوره العجمي

.
.

ولا اجمل منك واعظم من ضياعي
................مثـل حلـم ٍ يمـر ولاغفيتـه


ناصر المطيري

.
.

تجـين نقـفّـل أبـواب الفـراق ونبلع المفتاح
.......... بعد مانسـترد اللي من أحلام الوصل فـاتك

تجين أبدل الباقي بعـمري عـمرك اللي راح
......... وأكـون أول حـبيب ٍ في نهـايـاته بدايـاتك

عبدالمحسن بن سعيد

.
.

البارحه طـاح مـن عيـن المفـارق صويب
................ من ثقـل ماهـو ..تعلـق لين تـل هدبي

عقاب الربع

.
.

طول عمره لاطعني حربته مقلوبه
..........بس هالمره طعني صدق وأقدا فيه !!


ابراهيم الرشود
.

.

الخيل في صوته صهيل ٍ وغره
.............وفي صمته احكاية جميع التفاصيل

طفلٍ يحلي كل شي ٍ يمره
...................كنة يعلق فالدروب القـناديـل

نايف الحربي

.
.


لولاك ما جا العيد يسبق ضحى العيد
............... وما علّقت روحي تحت وارفة فيْ


تأبط شعراً

.
.

ماني معيّن من ورى غيبتك .. خير
............. لاغاب صوتك .. أسأل الله .. السلامه

تدرين لاغبتي.ورحتي وش يصير
............... .أموت وتبكي فوق قبري حمامه

بركات الشمري

.
.

ان جيت تنشدني ترى ماني بخير
................. بس ان نشد غيرك تراني بنعمه


ابراهيم الرشود




.