[بنت شمّر]

ياحب ّ .. وقـّفك الزمن بين الاحباب ..
................ وشلون تاقف ضدنا وانت معنا ..

بانت تجاعيد السهر والشقا شاب ..
.................. والا الهوى طفل ٍ بموته فجعنا..

ياقصة ٍ كل يوم ينبت لها ناب ..
.................. ينحت ضلوع الذكريات لوجعنا ..

هنا بدينا رحلة حضور وغياب ..
.................. هنا ابتسمنا للوداع ودمعنا ..

هنا تملاّ جرح وابتلت اهداب ..
................. هنا تردى حظ وهناك ضعنا ..

ياكثر مااشوفك ولو كنت غيّاب ..
................ وياقل ّ ماهذا المكان.. اتسعنا ..

ليت الوداع اللي جمعناه .. كذاب ..
................ وليت الغرام اللي جمعنا ..جمعنا ..


الشــــــــــاعر نواف الشمري