[عبدالله البكر]

.





تتساقط اشــواقي لك اعناب واعناب ..
................وانا وعنقـود الفـراق .. اجتمعنا ..


جمعت لك كـل الاحـاسيس بكتاب ..
...........ومابين كل احساس واحساس معنى ..


لاتبكي اكثر لو نزف جرحك وطاب ..
.................شي انفرض مانمنعه لو جزعنا ..

سِدّت شبابيك الهوى وانقفل باب ..
................. واخر سحاب ٍ مرنا ماسمعنا

ياحب ّ .. وقـّفك الزمن بين الاحباب ..
................ وشلون تاقف ضدنا وانت معنا ..

بانت تجاعيد السهر والشقا شاب ..
.................. والا الهوى طفل ٍ بموته فجعنا..

ياقصة ٍ كل يوم ينبت لها ناب ..
.................. ينحت ضلوع الذكريات لوجعنا ..

هنا بدينا رحلة حضور وغياب ..
.................. هنا ابتسمنا للوداع ودمعنا ..

هنا تملاّ جرح وابتلت اهداب ..
................. هنا تردى حظ وهناك ضعنا ..

ياكثر مااشوفك ولو كنت غيّاب ..
................ وياقل ّ ماهذا المكان.. اتسعنا ..

ليت الوداع اللي جمعناه .. كذاب ..
................ وليت الغرام اللي جمعنا ..جمعنا ..


ماكان بيدينا جدى رغم الاسباب ..
................ مير الزمان اللي نعيشه ..خدعنا ..






كاملة والله ..
والله كاملة يا نواف .. ويكل سعادة وبكل متعه .. وبكل إنتشاء ..

أقسم بالله إني قريت لشاعر كبير كبييييييييييييييييير ..
لي ستين ألف عودة !



.