[بنت شمّر]

هلا وغلا يااغلا الاهل والمعازيم
من وين مايمي تجيبك جهاتك

مثل القمر لاشع نوره ورى الغيم
وجهك .. ورا شفاف طرقة غطاتك

وتحت السما مثل السحاب المراديم
تنهيدتك بمرايتك وزفراتك

افدا تناهيدك من الحزن والضيم
لاقارنوا حسنك فباقي خواتك

مااظن فيك الحسن يحتاج تقييم
الملح كله والحلا في صفاتك

شبيهة الما بالطعم والتقاسيم
احترت بك .. ياملحك .. وياحلاتك

لاتنطقين بشي ياعنيّد الريم
لو كان مالي رغبة ٍ في سكاتك

لكني اخشى من حريم ٍ ملاثيم
لو تنطقين بشي يجرح شفاتك


رشيد الدهام