[نورة العجمي]

زارت المحرره الصحفيه نوره العجمي من مجلة شعبيات خريجة السجون غزيل بنت هويدي

للأطمئنان على أحوالها وعلى سير الترتيبات النهائيه لأجراءات الخروج

ومن عنبر تسعه النسائي باصلاحية شعبيات أستضافت العضوه المخضرمه غزيل

وكان وقع المقابله جيداً جداًبالنسبه لها حيث أنها كانت محبطه من طول فترة العقوبه

فشعرت بأنها (أنسانه مهمه ) بعد طول معانآتها في سجن الحاير

ومعها كان هذا الحوار

س/هل انت من هواة الشخبطه على الجدران؟

ج/وبكل جنون لدرجة انه عندما كنت في المرحلة الثانويه كانت كتبي المدرسيه تتشح بالسواد ليس حداداً وانما من حبات الفحم التي كنت احملها في حقيبتي واعبر بها عن مشاعري المكبوته يالها من ذكريات جميله ترجمتها على عدد من الجدران لازالت شامخه بتلك الذكريات

س/بما ان لك شوشة يعلم فيها الله هل يسمحون لك في السجن استشوار شعرك حتى ترتاع السجينات؟
ج/نعم يانوره ومن قال لك ذلك
في الواقع نعم كنت اخرج الى باحة السجن بعد المغرب واعطيهم ثلاثة اشواط رقص وبعدين استشور شعري وادخل على السجينات اخر الليل بابهى حله

س/لماذا في بداية سجنك كنتي ترفضين الزياره؟

ج/لعدة اسباب منها: كان برطمي منشق ولا اقدر على الكلام والثاني قلبي رهيف لايحتمل ساعات الفراق بعد اللقاء والثالث وهو الاهم اني مالقيت احد يزورني

س/كم كانت مدة سجنك؟

ج/حول الثلاثة اعوام<-------من خط الــ18 وجاء شهر الخير والبركه وفوجئت بالاخ الغالي ذيبان عندنا في العنبر وقال ياغزيل هاتي يدك اليمنى وقلت خذهااااا وقال اذهبي فانت طليقه بغيت احب خشمه تذكرت انه مايجوز وياليت يد ذيبان لازالت في يدي الا الان <-----رديها تراها ختت بالهرج

س/هل كنت ترددين في السجن ياما في السجن من مظاليم؟

ج/نعم كنت ارددها بصوت عالي وصجيت السجينات وقامت ادارة الاصلاحيه ونقلوني الى عنبر مروجي المخدرات

س/لماذا رغم انك يالنصابه قبل شوي تقولين انك ندمانه دامك ندمانه فهذا يدل على انك موب مظلومه؟

ج/يانوره لا انكر ندمي الشديد بس تدرين وشهو عليه؟

على اني ماكتبت على جدار السجن ذكريات بنت هويدي قاهرة العنابر
واما من ناحية ظلمي دعيني اخرج زفرة من صدري لو تكون على جبل طويق تسان انقلب طاقيه
دعيني اخرجها...
اقول لكي ولكل من يريد الاجابه اسالو بشرتي البيضاء ومعصمي الاسطواني

س/هل سبق وان دخلتي السجن؟

ج/نعم وبدون اي خجل دخلته مرتين وهذي الثالثه
الاولى في سوق الحمام بعت ورع مصاريه اربع قطوات على انهن ارانب واشتكوني وسجنوني وطلعت لاني كنت على نيتي.
والثانيه هوشه مع مبلط باكستاني كان يطالعني ويضحك ويهرج بهروج مدري وشنهي طعنته بقلم الكحل في عينه وطلعت بالكفاله

س/هل السجن ادى الى اصلاحك؟

ج/اكيييييييييييييييد واكبر دليل تصرفاتي ماتلاحظون علي تغير جذري وانا اشوف اني تغيرت واجد واجد حتى في طريقة مشيتي واكلي وانا مدري عن نظرتكم لي واقول اتمنى من مجتمعي الا ينظر الي بنظرة دونيه وان فكني الله من الشيطان ونزغاته فانا بخييييييييير.

س/كم قصيده تم تأليفها وانتي في السجن؟

ج/ في الحقيقه لم التفت للقصيد لكني اصريت ان اقدم مايقيد الناس وقمت بتاليف عدد من الكتب المفيده والتي تعتبر كنوزاً لمن اطلع عليها وهي كتاب(شد الحبل في فن تطريح الابل) وكتاب(فنون الشقاوه في تطريد القطاوه) وكتاب(دزني واطيح في اجتناب التجريح) وكتاب عن الطبخ واسمه(وش عشاكم تكرم لحاكم) وكتاب( البقس واللكمه في نفائس الحكمه)وهو كتاب قيم جداً ووضعت منه بعض المقنطفات في شعبيات

س/هل كنتي ترقبين الشمس اثناء الغروب وهل كان الغروب يلهمك الكتابه عن الحريه؟

ج/ما اجمل الحريه لدرجه اني عندما خرجت قمت باطلاق جميع البلابل اللي عندي في قصري العامر ومن ناحية غروب الشمس هذيك الحزه كنت اغط في نوم عميق بسبب اني اكون سهرانه في الليل على لعب الكيرم

س/ماهو شعورك وانتي الان تمارسين حياتك الطبيعيه بعيد عن جدران السجن؟

ج/ شعوري شعور اي شخص يجيه أزمة ربو ويبخ فنتولين

واشعر بقربي من شعبيات اني اعيش في برج عاجي<---مدري وش معناه تسانه زين اتركوه وتسانه شين احذفووووه :


س/ثلاث عسبان :white: اقصد ثلاث وردات لمن تقدمها غزيل بنت هويدي؟

ج/ الاولى لك يانورة
والثانيه لادارة شعبيات والاعضاء
والثالثه يتقاسمها خالي مجدل وبجدى بنت هديرس

س/كلمه اخيره لمن توجهينها؟

ج/اوجهها لاعضاء شعبيات الكرام واقول ترى قلبي عضله كبر قبضة اليد<----الا موب دفاش باب وكل نبضه يضخها تقول احبكم.........احبكم.........احبكم.....وعسى الله مايقطعني منكم.........ياحليلكم.......احبكم<----هذا لسان حال قلبي

شكراً ياغزيل على اهدار وقتك الثمين في الرد على هذه الأسئله

ولكن ودي اقولك شي بنفسي من زمان <-- صوت متهدج :white:
انتي عانيتي مرارة السجن وغياهبه وبلاويه
عشان كذا لا عاد تعودينها يالخبله

كانت هذه المقابله في اللحظات الأخيره قبيل خروجها من سجن الحاير
وهي تنعم وترفل بثوب السعاده والحريه بوجودها بين اخوانها واخواتها في شعبيات


عمل الطالبتين :white:

نوره العجمي / غزيل بنت هويدي :white: