[إبراهيم الوافي]

يا يمة ريحتك ..جنة
يا يمة أرضنا منا
أبي منك استكانة شاي
أبي بس الضحى ظلك .. وكاسة ماي
يامة .. بعدك تشوفين ..!
شلون تسافر السكين ..!
في دمي
وفي ثمِّي
حِزِن موّاَل..
يايمه وين ابوي اللي زرع تحت النخل فلَّه
يايمه ماتْ
ومارحْموا طفل واقف على ظله ..
أبي بس استكانة شاي
وش ما صبَّت يدينك .. ابوِّسها وما املَّه
أبي موَّال
أبي لاغابت النجمة ..
وطار الطير باخباري
يجي داري
يبوس يدينك اللي تخبز أسراري
ويسأل .. كيفها بغدادْ..!
بعدها تسمع الأخبار ..
ومن باقي بعد مامات ..!
وكيف الحارة والأولاد ..!
بعدهم يلعبون ( حجارْ )
يا يمه .. وش مابكتب
أظنك ما تسِمْعيني
مثل ما كل ها الدخانْ .. غطى الشمس ..!
مثلْ بغداد
أظنك ميتة من أمس ..!