|
في عيد ميلادي .. ولوني تأخرت !
24/9
مر يوم السبت ...
وأضاف لي سنة من عمري
!
الشعور اللي ملا صدري وهام
......................همت معه وقلت سقها يالشعور
والله إني فاقدٍ طعم الكلام
....................والسنين بخاطري مرّت مرور
أتذكّر زود عن عشرين عام
...................مرّت وياقلّ مامر السرور
مرّت ومالي نديم إلا الظلام
..................أتستر به وتحت العين نور
مرّت وحظ العدا يمشي لأمام
...................يوم أنا كلمال حظي في دبور
إنكسرت وليت كسري بالعظام
..................كلها في خاطري جات الكسور
وإنغدرت ولاتعزويت الأنام
..................إستحيت أقول : "ياناس مغدور" ...!
خلّها في القلب تغتال الحمام
................وتتصيد فـ الظلوع أيّة طيور !
خلها تزرع معاليقي سهام
................دام وقتي دار .. بكيفه .. يدور
ماله إلا رجلٍ إن قال السلام
..............يسبغه .. وليا سكت : "صمت القبور" !!
وأعرف إني مو محسّبها تمام
..............ولجل هذا خايف أتكلم وأثور
والسكوت إن طال يغري بالكلام
...............والكلام إن ضج .. مايستر شعور !!
.
اخر تعديل كان بواسطة » ابراهيم الرشود في يوم » 28-09-2005 عند الساعة » 12:26.
|