[ياسر المطيري]

لا أدري كيف ولماذا أجبرتني هذه القصيدة على بعثرتي في هذا المتصفح
أحتفظ بـ معانيها لنفسي أيتها المشرف . . وأعتذر عن ما بدر
فـ قد حان وقت الـــرحيل

نسانيس القصيد اللي تمّر التايهين بــ لين=تنكّر للغياب اللي زمان أول يلاعبها
علّي وشلون كانت ؟ بس أنا وشلون جيت الحين؟=أدوّر عن مكاني قبل ما ألقاني مخربها
أدوّر عن فراغ ٍ ما يشيل ألا أسم / أسمين=أدوّر عن مدارات الضما اللي كنت أشرّبها
أدوّر عن سنين ٍ لفها ثوب الضياع سنين=غدت ما كني اللي كنــت بالغفلات أراقبها
مكاني بغير زيتونة قصايدها ونطق التين=حزين ولا هو أكثـــــر من مرايا حــزن صاحبها
صرير الباب لا نادى بصوتٍ ممتلي (يااا مين) ؟=وأنا اللي كنت أجرح له شعور ٍ مات ودّ ابها
فوانيس ٍ تحضنها الليالي قبل بيت الطين= قرت كل الكلام اللي سهــر بـايـديـن كاتبها
علي وشلون يا عبد المعين لهمّ قلبي تعين=نسيت آخر عناقيد الدموع و وجـه شاحبها
ذبحت أحلامنا قدامنا والحين ويش الحين=عواقبها الرحــيل وللــــرحــــيل أيضاً عواقبها
أمانه يالقصيد اللي تمرّ التايهين بـ لين= إذا شفت الغياب تقول له. . لا . . لا. . . يخرّبها