[نورة العجمي]

لوأبكتـب بالحداثـي وأكتـب التفعيلـه
وأكتب الشعر الفصيـح أقلـد المتنبـي

لوجمعت الشعر كله لين اسـرًج خيلـه
الغزل والمدح باستثنـاء شعـر السبـي

والله أن تقصر حروفه دون نافل جيلـه
الغزال اللي على سلـم العـرب متربـي

نوب يزعلني وقلبي بالغـلا منحـي لـه
كل نبضه فـي غرامـه تبتهـل وتلبـي

أيه أحبه ثم أحبـه بـس مالـي حيلـه
حيلتي تقصر وقلبـي بالولـه مشتبـي

ماذبحني غير نجلٍ خلف طـرق الشيلـه
لا لحظني بالنواعس ضـاع منـي لبـي

كـل ماهيـدت ساعـه فالمنـام أخيلـه
وأن صحيت القى عيوني دمعها منصبي

عادت الأيـام دايـم بالوصـال بخيلـه
قد شكى لوعاتها قبلـي قتيـل الحبـي

والكلام الجرز عندي خير مـن تطويلـه
ياعسى وقتي يساعدني واشوفه جنبـي

بالشريعـه مابهـا لفـة ولاتحويـلـه
مسلمٍ واعرف فروض الدين واخشى ربي


ياصباح الشعر

الله واكبر عليك

لله درك من شاعر وشهم

قصيدة رائعه بروعة حضورك الأول

تساقط الشعر من سماء شعبيات درراً نقية

صح قلبك و لسانك حتى ترضى


سجل إعجابي