السلام عليكم ورحمة الله وبركاته
قصيدة رائعه لـ الشاعر الكبير / حمد بن قريان ال خويطر العجمي
وتجديد عهد بكم وبـ الخيمة الشعبية خاصة
واهداء الى الجميع :
قتيل الهوى ماله مع أهل العلاج علاج = بخيصن بحاله ياعرب لاتزيدونه
ترا القلب لنحا يمتن ماهقا ينعاج = يزيده عناد الحكي يا اللي تغدلونونه
ترا عذلكم له ياعواذيل زود إزعــاج = وكبده عليكم حيل بالغيظ مشــحونه
فلا ناقصه فهمن وللنصح ما يحتاج = وخوفو من الله وإشبحو دمعة عيونه
يهل العبيري فوق خده مثل هداج = ولا ذاق نوم الليل ياللي تذوقونه
سهيرن وينس وسط صدره كما الوهاج = على شوف خله ياعرب هاضت شجونه
يقولون يابارود وأقول دون إحــراج = فلا سامعن منكم كلامن تقولــونه
كفخ طير قلبي كفختن فالسـما ثم راج = وكتفله من اللجه ولاعاد ترجــونه
أنا أتبع هوى شفي ولا همني الهلباج = ولا حالي بحاله ولا شوني بشونه
وأنا حالفن ما أنساه مادام ضلعة ثاج =على شكلها والعذل ما طيع مظمونه
تقبلوا سلامي واشواقي
الخويطري