أجل والشمس لو ماهيب يوم تغيـب خجلانـه
ورا وجناتها أحمرّت وغابـت يـوم جاطاريـك
حبيبي والعيـون أغـلا عطايـا الله سبحانـه
وأناماستاهل الشوف إن هدرت النظره إلا فيـك
تغيب وتذبـل الدنيـا وينسـا الكـون خلانـه
ويفقدكوكب الأرض الوعي من شوقه ويهذيـك
وإلى من جيت تبدا تركض النسمـات فرحانـه
وينبت ورد بكفوفـي ولا يزهـر بغيـر يديـك
أحبك وأنت زلـزال الشعـور وأنـت بركانـه
وكل ٍ لا نطق نادا على أمّه .. بس أنا مناديـك
ولا أدري وش بلا اللي مايعرفك متعب لسانـه
وأنا إن حاكيت غيرك لازم اتخيلـك واحاكيـك
جنون.. وميزة العشق الحقيقي خمّـة جنانـه
ومن قال إن أنا عاقل مـدام هبالـي بيرضيـك
أحس بقلبـي نجـوم وسحـاب ٍ هـل هتانـه
وأحس بدمي أسـراب الكنـاري دايـم تغنيـك
أمانه لا تقاطعنـي حبيبـي لـو هـي ميانـه
تعال ويوم ربي فـك عـوق لسانـي أوريـك
أنا ..أول بني آدم يشـوف الشمـس بردانـه
وأنا اول من يحجّل بالنجوم المضويه رجليـك
وأنا اول آدمي طار وستـل بالكـون جنحانـه
وحلبت النور من شمس النهار وجيت لك بسقيك
وأنامن كل كوكب جبت لـك دعـوه وعنوانـه
ويقولون بتجي وألا انت بس أسمح لنا ونجيـك
حبيبي وأضحك الدنيا تهزهـز حيـل طربانـه
حبيبي وإن حكيت الورد يسفه بعضه ويوحيـك
تعال وعلم الطيف الغبـي عـن باقـي الوانـه
تعال وزك زينك.. جد على الخفرات من باقيـك
وحتى لو تفجّـر قلـب مـن حبـك بوجدانـه
حشا مايقدر إنه لو بحـق مشاهـدك يوفيـك
يقولون السما زرقا ..وأقول النـاس غلطانـه
هذيك عيون جمهور الكواكـب يومـه يحييـك
أجل والشمس لو ماهي على الغيبـات ندمانـه
وراها يوم سولفنا الفجر جتنـا علـى طاريـك
الرائع عبد المحسن بن سعيد
بمثل هذا الجدال للمنطق ..يدخل شاعرنا على مستوى تجربته الشعرية نفق تكويني وجودي .. يستمدُّ عناصره من بديهيات الطبيعة ... ويخترق المألوف لامن خلال معاندة فطرة العقل التي اعتادت على توقّف التفكير إزاء تبرير المنطق بخلق مبررات لها تدفعها للتفكير والتأمُّل ، بل بمواصلة استغلال المواقف اليومية العادية عبر قدرة فائقة حباها الله له حين منحه المقدرة على مزج الصور في منطقة وسطى بين الواقع والخيال والمعقول والمقبول وتأطيرها في رؤيا شاعر من فئة المدركين حقا للشعر وما ينبغي له ...
تأملوه في هذا :
أجل والشمس لو ماهي على الغيبـات ندمانـه
وراها يوم سولفنا الفجر جتنـا علـى طاريـك
لن أغادرك حتى أبلغ البحر .. أيها الشاعر الجميل ..!