"""
ايضاً من اخي خلف المشعان
يابو يزيد .. السالفه .. ماهي اعجاب
..................................... مافي .. قصيده ... قلتها .. مااعجبتها
:
:
دقت .. على قلبي .. وشرع لها الباب
.................................... الجادل .. اللي : ( هـه ) طول رقبتها
:
:
جتني .. تطشطش .. ديمها في شهر آب
.................................... من زينها .. حتى الفصول ، اقلبتـها
:
:
( ريمية ٍ).. لو رحّبت بالصخر .. ذاب
..................................... ياخوك .. والله .. ياحلو ( مرحبتها )
:
:
جتني بليا .. سابق .. انذار .. واسباب
..................................... تقول .. ( شرطان القصيد ).. أذهبتها
:
:
وقمت اتثيقل .. قالت : شجاب لا جاب
................................... حتى .. ضحـَكت .. وضحكتي ، خربتها
:
:
قالت: أنا .... ؟؟
قلت : وأنا .. .. قالت : ( احباب ) ؟
..................................... قلت : ايه .. وجنون الغرام .. اركبتها
:
:
واستدركت .. قالت : واذا كنت لعّاب ..ّ!!
..................................... قلت اسحبيها .. واستحت .. واسحبتها
:
:
قالت : معايه كلمة ٍ.. مالها .. اعراب
......................................... قلت اكتبيها .. بالهواا ... واكتبتها
:
:
كلمة .. ولكن .. عن 900 ..... اكـْتاب
......................................... مالومها .. ياخوك .. لو مااعربتها
:
:
السالفه .. متعدّيه .. حد ّ الاعجااااااب
............................. وابسط دليل .. ان صورتي .. في ( كـبتها )..!!
فكان الرد
"
"""
ياراكبٍ .. من عندنا .. فوق .. بيكاب
___________________ ددسن .. ويطفش .. من سمع .. كركبتها
ددسن .. ولكن حملها .. حمل .. قلاب
___________________ كل .. الشوارع .. " بالحفر" .. جربتها
واللون لون اللي طلت كفها خضاب
___________________ قرّب .. فرحـها .. وامها .. خضبـتها
اتفز .. فزة .. غافلٍ شاف .. له داب
___________________ بأرض .. خليّه .. والبشـر .. جنبتها
سواقها .. يدحم .. على الخط ماهاب
___________________ مير ان عيب " المروحه " كهربتها
ياسايق الددسن .. انا عندي .. كتاب
___________________ وصّـله .. للي .. غايته .. ماكبتها
خلف خلف .. كل القصايد والأصحاب
___________________ ارسل قصيده .. والهنوف . . اطربتها
قبله .. بلاني .. مابلا قبلي .. " عقاب "
___________________ والروح .. سكرات .. الهوى .. عذبتها
من جادلٍ لو شافها .. الشيخ .. ماتاب
___________________ سلب .. المشاعر .. ياخلف .. موهبتها
لين افضحتني .. بالعرب خدمه الواب
___________________ واخبار عشقي .. للصحف سربتها
غابت .. وباقي .. فيني الشوق ماغاب
___________________ وكل .. القصايد .. للأسف .. زلبتها
وانت تعرف .. يامسندي حق الأقراب
___________________ والحق حق .. ومعجبتك ( ........ )
ان كان شفت السالفه فوق الأعجاب
___________________ حوّل عليّه .. ياخلف .. صاحبتها