كانت من اخي الشاعر الكبير \ خلف المشعان
:
ياقيس ليلى .. كل ليله .. لها قيس
............................ ومع كل قيس .. تعيد نفس السياسه
نفس المشاعر، والغزل ، والاحاسيس
............................ مثل الحصص داخل فصول الدراسه
ياقيس .. ردوا من غلاها ، مفاليس
............................ طعني .. قبل قلبك .. تجيه انتكاسه
ابك انت فارس من ظهر قوم فريس
................................. ماكل بنتٍ تقدر .. اتجيب راسه
يازينك بعيني قبل .. دفش ،، وحنيس
.............................. يومك تشوف ان التغزل .. طفاسه
يوم ان حلمك تشتري .. جيب تطعيس
................................ كانت حياتك .. بين ضحك وناسه
حتى عشقت وصار وضعك لواليس
................................. ولبست ثوبٍ مامقاسك .. مقاسه
ضيعت حالك ، واتعبتك الهواجيس
.............................. وملقبٍ نفسك .. ( أسير التعاسه )
عيرتني في ( كاسة الشاي ) ياقيس
......................... .. لين ابتلاك الله ... وحبيت ( طاسه )
:
فكان ردي المتواضع :
"
""
لو يفتن , الهدهد على عرش ( بلقيس )
________ بلقيس , ماتتـرك ,, مقر , الرئاسه
متسلطنه ,, بالقلب , خلف ,, الكواليس
________ متربعه , بالعين , تحـت الحـراسه
بنت الشجاع , اللي يفــك ,, المحابيـس
________ تكـرم , عن دروب الردى والدناسه
اللي نفسها , يقهر( عطور باريس )
________ فوق الحلا والزين , ثقل وكياسه
وياخليف , جنّب سيرتي والعن ابليس
________ ولاّ انت, جودك بالحسد والنحاسه
شمّت فيني ( عنتره ) و(امرؤ القيس )
________ اللي ,, عليّـه يدّعون ,, القداسه
اللي حديـهم ,, كل يومين ,, عرّيس
________ لو هي بديـهم عاد سوق النخاسه
ولا يتبع الملحوس , كود الملاحيس
________ اللي يدورون الطرب , والوناسه
وانا هواوي , في جميع , المقاييس
________ وخليت لك ياخليف شعرالحماسه
:
محبتي واحترامي للجميع
خالد عبيد العنزي