[بـندر العبدالكريم]

نهايه ....

( فراق ) نصفي ( مزمن ) ..

( الام ) في ( المشاعر ) ..

إشتباه في ( فرحه ) قديمه ..

اتضح في التصوير ( المــ .. قـطعي ) للقلب ...

يعني ...؟؟

يعني :

حضرتك متوفي ( عاطفياً ) من أربع سنين ...!!!
.
.
.
.
.
.


... اسفه ...

... غصبِ علي ...

هذا كل اللي قدرتي تنطقينه ...!!

هذا كل اللي بقالي من هوانا ...!!

كلمتين

وذكرى

ودمعه حزينه ...!!

جرحتني .. قبل ماتجرح خدودك ..!!

وقتلتني .. قبل ماتقتل وجودك ..!!



ليه سكتي ..؟؟

ليه صديتي وخجلتي ..؟؟

عمرها ماجت عيوني في عيونك ..!!

كنت أجلس

وانتي جنبي تجلسين ..

وبيننا حصنٍ حصين ..

مانطاوع في هوانا

نزوه أو حتى التفاته

أو كلام العاذلين ..

بس هالمره اسمحيلي

وسامحيني ...

حققي اخر طلب ..

قبل ماارحل من حياتك ..

قبل ماانتي ترحلين ..!!

ودي اشوف العيون

اللي عشقته من سنين ..!!

ماهو من زود الغلا ..

والا خوف الإشتياق ..!!

اعذريني لو أقول :

ودي اتعرف على

نظرة الغدر اللعينه ..!!
.
.
.
.
.
تذكرين ..

كان ذا اخر لقاء

من يجي اربع سنين ..!!

ليه رجعتي ..؟؟

انتهى فيك الرحيل ..؟؟

للأسف ..

استمر فيني السفر

ومات في قلبي الحنين ..







بدايه ..


افترقنا ...

وكان لون الدمعه أسود ..!!

ماادري كحله ..!!

أو لأن الدمعه تدري ..

إنها خانت عهودي ..

صار وجه الدمعه أسود ..!!