لا يطول سكوتك ولايطول سكاتي ..... ترى الدعاوي بسيطه لاتكبرها
خلك على خبري وظني وهقواتي....خابرني الضيق والضيقات خابرها
وسع لي البال ياسيد طموحاتي....ولا تغير النظره الي كنت تنظرها
تقول:حب البشر طوق مساراتي؟؟....
ابك انت حبك مساراتي يسيرها!
ان غبت عانت عيوني من معاناتي...وذكرك يصبرني وطيفك يصبرها
انت اجمل الي تسجل في سجلاتي...ان جيت وين البشر وان رحت مكثرها
مافـاق حبي لك غير حبي لذاتي...يعني احبك محبه ماتصورها..!
ياطهـر حكـايه محبه في حكايتي...من قبل لا اعيشهاحسيتك اطهرها
لاتــلومني لا بديت اخاف واحاتي...كل حاجه غاليه ماودي اخسرها
ولا تضـايق اذا كثرت جياتي... ضيعت فيك السنين وجيت ادورها
تعال رتبنـي ورتب حساباتي... او تدري شلون رتبني وبعثرها
مو مشكله لو تصير اطول مسافاتي...المشكله لابديت احسك اقصرها
يامكتشف عالمي واقدم حضاراتي...حرام كسر الخواطر بيد جابرها
مدام تقدر على الي فوق قدراتي...لا تذخر الفزعه الي قلت ذاخرها
محمد السهلي
...................................
جــــــــــــــــــــــــود