[صالح العبدالكريم]

كم جيت تبكي..والنوايب .. تناطحك
........... وأقول : إمسح دمعـك .. ودوك فاسي

لا تامن الدنيا .. تفطــّن .. لجارحك
.......... وإقرص على .. قلبك .. تخـلّيـه قاسي

بس الحسافه .. يوم تقبـِل ..وأصافحك
......... وأقفي .. وأحس الضـّربه .. تفجّ راسي

العيب ماهي طيبتي .. يوم أصارحك
......... أو أحسب .. الناس .. بموازين .. ناسي

العيب إني..أشق سترك .. وأمازحك
........ أو أمدحك .. وأرجع .. أخليك .. خاسي

خذلك طريق .. وروّح .. الله يسامحك
......... عـش دنيتـك .. بتشوف .. نفس المآسي

الوقت .. ما هو ..كل مرّه .. لصالحك
......... مـا دام .. للّي .. سنـّدته .. الرواسي

لو طالت .. الأيام .. تلـقى .. مرابحك
......... تكـبر جروحك .. ما لقيت .. المواسي ..!










ص . ع