[بـندر العبدالكريم]

بدايه ..



أحاول أكتب لك كلام :

شعر .. و ..غرام !

ما قدرت ...!!

أحسك أكبر من حروفي ..

ومن كلامي ..

وما ادري ليه ..!؟

هذا هو إحساس قلبي ..

والسلام ....



:


:


:





كل هذا وما رضيت ....!!

كل اللي سويته .. عشانك

يابعد عمري

وتوّك :

من عذابي ماكتفيت ..!!



آآه ... من صـدّك حبيبي

أقوى من صبري وحنيني ...

آآه ... من بعدك حبيبي

أقسى من غربة سنيني ..!

وليتني يوم التقينا

لفني صمتي ..

وليتك ماحكيت ...!





يا حبيبي ...

انت كل الشوق ..

وانت كل الحب في دم العروق ..

ولو جميع الناس

تسكن أرض قلبي ..

انت نجمه ..

والنجوم تعيش فوق ..!




انت فرحه ...

والفرح عمره قصير ...!!

والزمن قاسي / مجنون / ضرير

لا يموت الحب من شك وعتاب ..

ولا يضيع العمر في وهم وسراب ..

انت يومي ..

وبكرا مادري وش يصير ..!



وانت تدري

كل مافيني يحبك ..

وانت تدري

مانويت انساك

لا - وربك - ..!

وانـّي جيتك أعترف لك :

إني من فرقاك ياخلي انتهيت ..!



انتهت فيني المشاعر ...

ماتت الفرحه بحياتي

وما أنولد للحزن آخر ...

وما بقى شي اعتذر به

غير موتي

وانا حاضر ....!



بس ..

طـمّني ..

إذا قالو لك إني ..

مت باسبابك

تكون انتا رضيت ......!!!