|
للحلم / للشعر / وأشياء أخرى !!!!
.
اعذروني واعذروا ارتباكها !
لعلّها تصل إلى قلوبكم ..
وفاءا ً بالوعد لاأكثر
لأخي الغالي جدا ً على قلبي والذي أصر ّ على أن تكون هنا بين قلوبكم !
/
\
/
للحلم ابرقا ! دام حلمي رقاني !
ـــ وللمجد ابصعد سلّم الصبر ... وارقاه
ماهمني لو قيل : شاعر أناني
ـــ أو قالوا إن اغروره .. اليوم .. أعماه
الله عطاني .. واحمد اللي عطاني
ـــ وكل ٍ يحمد اللي من الجود .... اعطاه
لا ماكتبت الشعر .. قصدي الغواني
ــ لا ماكتبته .. قصدي المال .... والجاه !
ولاجيت ادور للحقيقه .... معاني !
ـــ جيت اكتم بصمتي ... سخافات الافواه
وإلا عليه اليوم ! .. ما الله حداني !
ـــ هو ابتلاني لين ماصرت ...... بلواه !
حشّمت راسه عن حديث ... الطماني
ــ وعزيت شانه يوم غيري .... تبلاّاااه
مرات احس الشعر .. غلطة زماني
ــ وإن غاب لجّت هالحنايا ... تبي ماه !
لولاه قلّي وين ..... ابلقى الأماني
ــ بالله .. قلّي .. ويش أنا اليوم لولاااه !؟
بي جرح .. لامنه براني ... براني !
ــ يحطب أمل صبري .. من اقصاه لاقصاه
وشلون ابلقى للسعاده ...... مواني ؟
ــ وانا مثل مـ تشوف .. مخلوق .. للآآآآه
الموت وينه ؟ ليت موتي ... خذاني !
ــ تعبت انا اسأل .. وين هالوقت ... وداه !
تعال فتّش عن سجين .... المحاني !
ــ واليا لقيته ذكّره بس ............. بالله !
إني عطيته .. دمعتيني ../.. حناني !
ــ واني وهبته ... من جنوني .... معاناه
وقله مدامه راح عني ... ونساني !
ــ مثله بسوي ! ... ببتعد عنه ... وانساه
وخله يعد اليا رحلت ..... الثواني
ـــ وخلّه يموّل صح .. لاغبت / .. ويلاااه !
واذا يبي موتي .... دخيلك تراني !
ـــ مثله أبيه ! ... وعلّني بس ... ألقاه !
وقلّه غديت اليوم .. إنسان ثاني !
ــ شاعر جريح ... وكل هالناس ... تقراه
وما كل شخص ٍ .. لاقراني .. قراني !
ــ ولاكل حلم ٍ مرني ..... أطلب رضاه !
ولاجيت ادور للحقيقه ... معاني !
ــ جيت اكتم بصمتي ... سخافات الافواه !
.
.
عذرا ً مرة أخرى
دمتم بنور
.
|