مساء الخير ( شعبيات الخير ) أتمنى أن تنال رضاكم
(ياصورة الوجد) ليه الوجد فكتابي *
..........................................ماجادبك في زمن عشـق المكاتيبـي
والله لروي غرورك وأروي أعتابي *
......................................... وأهذب الشعر فـي لقيـاك تهذيبـي
كنتي ملاذ الجروح وغربة أغيابي *
......................................... وكنتي حضوري ولوعاتـي وتغريبـي
غبتي ولا مل رمحك قمة أهضابي *
........................................ . دونه جيوش الزمن عـادة معاطيبـي
واليوم جيتي وشفتي وش كثر مابـي *
........................................ .يرضيـك الأيـام تقبلبـي وتقفيبـي
وأنا ترى لو قسى حبك وسوابـي *
........................................ .. حـرٍ سبوقـه ماتقضبهـا المقاضيبـي
حتى مخاليب وقتي لو تهقوابـي*
..........................................فـي كـل الأحـوال تشبعنـي مخاليبـي
وأصاحبي إن غادرو عيني هم أصحابي *
................................................ رتبتهم في خفايا القلب ترتيبـي
طبعي كذا والوفاء شطي ومركابي *
............................................ ومجدافي الصبر يوم الصبـر يدريبـي
مرقابي الصعب هذا هو مرقابـي *
............................................والسهـ ل والله ماعـده مـن مراقيبـي
ورثٍ ورثته ولا لي عنه مجنابي *
........................................... أمـوت دونـه ولا لـي عنـه تجنيبـي
النفس عزيتها عن كل الأريابي *
.......................................... وأرواحنا فـي يـد اللـي يعلـم الغيبـي
والقلب مجده قديم ودمه أعرابي *
............................................ على ضهـور الأصايـل مجـده يطيبـي
وأنتي ملكتيه حتى حد الأسهابي *
.............................................. مابين جـدك ومزحـك طـال تعذيبـي
حياك كثر المدى فعيون الأغرابي *
.............................................. وحياك كثر الفـرح بيـن الرعابيبـي
تفداك عينٍ غفتبك بين الأهدابـي *
.............................................. ويفـداك جـرحٍ بلـغ ذروة مطاليبـي
وياصورة الوجد جيتي والزمن طابي *
............................................شمسك بدت يوم غيرك شمسه تغيبي
وتدرين وش حدني يوم أعلن أعجابي *
................................................ أنك نهاية مشاويـري (وتغريبـي)