[عبدالله البكر]

.




نافذة :

كانت " هنا " !
مابين أحزاني .. وأنا ..

جت ترمي الدنيا علي ..
وتروح ..
في ليلة " عنـــى " !!


كانت " هنــا " ..



ورقة مرمية على الأريكة !! :



ينام الصوت في حضن المكان .. وهاجسي يفطن

...................... وتطفى شمعة ٍ كانت تسولف لي .. عـــن أوراقي



وأحس إن المساء .. وصّى النجوم بسجتي يطفن

...................... لأجل أبقى أنا .. والذاكره .. والجرح .. وأعماقي



هنا .. في هالمكان اللي جمعنا من سنين أقــفــن

...................... على مـشـهد صبية .. خـِـيّـرت وإختارت إفراقي



وأنا داري بألاعيب المساء لا شافني بأحزن

...................... يرتــبــلـــي مكـــان لـــدمعتين .. ويترك البــاقي



يعرف إني كذا .. ماعادني في هالمكان أصلا ً

...................... أنا راجع .. لــ ذيك اللحظة اللي جمدت ساقي



أنــاظر بالوداع .. ولا معي غير القهر والون

...................... وكف ٍ لوحتلي من بعيــــــد .. وخافق ٍ شاقي



أنا أذكر .. كنت ساكت وقتها لين الهبايب جن

...................... تفتن عن حكي خطواتها .. وتضيق أخلاقي



إلين أثقل على كتفي همومي .. وإرتكيت الظن

...................... لعل اللي وطــت ورد الغرام .. تروف بالساقي



ولا بانت على ذيـــــك الملامح باينة أبدا ً

...................... سرت مني هنــــــاك وجفـّـلت من كـــان يشتاقي



وهذاني .. بعد مامرت سنين أتذكره .. وأغبن

...................... كـــأن الجرح أمس .. وملمسه مازال حراقي



وكـــأن الصوت فارقني هنــــا .. كل مابغيت أحزن

...................... وخلالي مساء وصّى المكان يفتش اعماقي






بوابة خروج :

أحلف !!
وأقول إني مع الوقت ..
بأنســـاك .. ؟

الله ..
يسامحني !
على " حلف كاذب " ..



.