[حسن آل مسفر]

هلا والله وغلا بجويزي يالله انك تحييها

ادري اني رفعت ضغطك بالانتظار بس عادي تحملي وانا اخوك
<<<<<<<< خابرك من ايام موضوع زميل دراستي <<<<< ياقدمي

الرسالة الأصلية كتبت بواسطة الجازي

حسن المسفر

يالله أنك تحييه ...

الله يسلمك ويبقيك ياجويزي
<<<<<<<<< دقيق الاخ يفصل الرد تفصيل بعذره يبطي في الرد :white:
دقيق ولا طحين :white:

الرسالة الأصلية كتبت بواسطة الجازي

أعترف عندك يوزر ثاني غير سعيدان .. ؟

ايه عندي اثنين واستقعد لي واحدن من ادارة شعبيات الله يصلحه الظاهر انه شاف الاي بي حقي قال مافيه امل يابو الشباب والله ولا المرور في استقعادهم للبشريه ماصارت يوزرات صارت لوحات موتر :white:

الرسالة الأصلية كتبت بواسطة الجازي

وما أسباب أختفاء سعيدان طالما أن المسألة سعة صدر .. ... ؟

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه

سعيدان بلكاعته هو احد الاسباب في قربي من قلوب الكثير في شعبيات واللي ما استطاع طابع وشخصية حسن آل مسفر الرسميه في الوصول لهم ويمكن انك ياجويزي من اولهم وانا صنعت هالاسم عشان اطلع من طابع الرتابه الممل واللي اعتبره مو ثوبي ابد لاني بطبعي احب المزح والضحك والوناسه بشكل عام وفي كل مكان واذا جيت شعبيات صرت انواع الرسميه في التعامل واحس اني اذا جيت ابدخل اجي مشخص ومتزقرت والعطر تشمينه على بعد كيلو وطاق الثوب والشماغ ومسكر القلابيات ولابسن بوت رياضه وانتم بكرامه :white: وكني داخلن عرس

وبالنسبه لاختفاء سعيدان فهو ما اختفى بشكل رسمي وانما هو قاعد يحضر الماجستير والدكتوراه في الدجه ويمكن ما تدرين الا هو ناقزن لك يوم من الايام ومدهر :white:

الحقيقه اني اوقفت يوزر سعيدان بعد اعترافي في الموضوع اللي تخبرين ان حسن ال مسفر هو سعيدان ولانه خلاص اللي كنت ابيه من هاليوزر انتهى والصراحه اني احمل له الكثير من الجميل لانه فتح لي قلوب الكثيرين بطريقه اخرى واسلوب اخر ..

الرسالة الأصلية كتبت بواسطة الجازي

هناك أسماء في الأستراحه نتابعها بقوه وقوه بعد ..

عطيني رأي حسن المسفر في الأسماء التاليه ؟

وإذا شفت رد أحدهم توه نازل في أي موضوع .. وش يجي في بالك ..

أشرح بالتفصيل الممل لو سمحت ..

عبدالرحمن الربيع

فيصل الخالد

غزيل بنت هويدي

مضاوي

هديان قبل التطور وبعد التطور

متعب الخامسي

صالح العبدالكريم

اما التفصيل الممل كثري منها

ذكرتيني باختبار النصوص في خامس ابتدائي اشرح البيت التالي شرحاً مفصلاً

مع الفجر مع النوري *** وحين يقوم عصفوري :white:

<<<<<<< ماتحس انك شطحت يابو الشباب :white:

يالله استعنا بالله

عبدالرحمن الربيع :white:

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه

اذا شفت اسمه في اي لحظه حتى لو في بوح القوافي ولا مواسم ابتسم واذا قريت ردوده وخاصة في الاستراحه تجيني حاله هستيريه من الضحك وضغط على المعده حتى ان جيراني احياناً ينقدون علي :white:
تحياتي يابو عيون

فيصل الخالد :white:

ذا الدب اذا راق جوه وفكه الله من السفريات اللي كل خمس دقايق وهو في ديرة فهو اطلق اصدقاني في الاستراحه بس يقهرني بكثر سفرياته حتى اني احس انه موظف في مكتب استقدام شغالات لاني كل مانشدته وينك فيه يقول مره في اندونيسيا ومره في الفلبين ومره في خرخير <<<< رغم انها محافظه سعوديه بس فيصل ياخذ جوازه معه احتياطاً يمكن يشكون في وضعه ويحسبونه مصري متسعود

تحياتي يادبان

غزيل بنت هويدي :white:

يالبى قليبها ام هويدي صراحه انها قمة التنسييييييييييييييييييييييييييييم وحركاتها نص كم قاهرة العذارى بس انها من قريب صايرتن تترز وتكشخ ما ادري ليه احس انها ناوية نيه الله يستر منها لا ومن زين الطبايع جايبتن اختها رفعه عشان تكمل الرصه :white:

تحياتي ياغزوله

مضاوي :white:

هالخبله بالحالها مصيبه متلتله احس اني من زود ضحكي عليها ودي اصفقها :white: صراحه انها اذا استلمت لها موضوع تجاهد فيه جهاد غير طبيعي وتطلع الشيب في راس اللي يطارد ردودها ودمها مثل العسل واللي في قلبها على لسانها ما تخبي بنفسها ولا تضمر لاحد نهائي اقول لكم خبله :white: <<<<<< ترا خبله مدحه يامضاوي :white: وماتعرف تجامل ابد ابد ابد تعطيك الصريح في الوجه على طوووووووووول

تحياتي مودي :white:

هديان :white:

احياناً هالاسم ودك تزودين نقطه على حرف الدال واحياناً ودك تمسحين الاسم كله وتكتبينه من اول وجديد من كثر ماينسم بالاستراحه بمصطلحاته المجنونه بس هالاسم ميزته ان راعيه يحمل قلب كبير

تحياتي يابو عبدالعزيز

متعب الخامسي :white:

هالشخص في الوقت الحالي ودي اتوطى في حوض بطنه مبطي ماعاد شفته حتى اني نشدت اخوه عنه وقال لي اذا شفته سلم لي عليه :white:
الحقيقه انه قمه في اللكاعه وودك بعد تغيرين حرف الباء في اسمه وتحطين حرف الهاء :white: لاني اذا شفت رده في اي مكان اعرف اني على موعد مع التشقق من الضحك لانه بجد متعه هالشخص

تحياتي متعب

صالح العبدالكريم :white:

مواضيعه خبال وردوده خبال حتى اني اشك ان صالح اللي بالاستراحه هو نفسه صالح اللي في مواسم واقول يمكن تشابه اسماء لاني اذا قريت مشاركاته في مواسم اصيح من زود الحزن واذا قريت مشاركاته في الاستراحه اصيح من زود الضحك :white: حسبي الله على عدوه غربله هالآدمي :white:

تحياتي صلوووووووح

الرسالة الأصلية كتبت بواسطة الجازي

السؤال التالي



الصوره هذي حدد تاريخها الله لايهينك
مصوّرها أيام عز طالبان في افغانستان أو بعدها؟
ووين بالضبط .. حول جبال تورا بورا مثلاً ؟ <== بتورّطه

هالصورة يوم جيت ابسجل هاك الايام مع الجماعه قالوا لي جب لك صورة مكشوف الرأس وملف علاقي ورشاش جي ثري الله المستعان حتى هم لهم طلبات عند التسجيل ورحت عند محل خضار في كهف من كهوف تورا بورا وهو اصلاً استوديو تصوير :white: بس خايف راعيه يدرون عنه فحط اللوحه محل خضار وحاطن الصور على الفترينه في وسط حج يقال له مبروزهن الحين :white:

<<<<<< ما تلاحظون انه مخربها وبطل التمويه :white:

الرسالة الأصلية كتبت بواسطة الجازي

ومن الشله اللي معك هنا ..؟
نبي اعتراف خطي ومستمسك عليهم :white:

ما اعرفهم وقسمن :white:

<<<<<<< تحسون انه يحلف وهو رافعن سبابته وعيونه تدودح في وسط وجه :white:

هذولا الظاهر من الدفعه اللي قبلي :white:

ابووووووووك يالتصريف :white:

الرسالة الأصلية كتبت بواسطة الجازي

الأسئله ترى ماخلصت رااااااجعه إن شاء الله <== ناشبتلكم

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه

الله يحيك في اي وقت ياجويزي

احلى نشبه والله :white:

<<<<<<<<< تحسون انه ما يعرف يسولف هو وخشته :white:

في انتظار عودتك من جديد يالجازي حياك ياخيه :white:

تشاوووووووووووووووو