[صالح العبدالكريم]

كان يا ما كان



كان هناك ببغاء اسمه كلاري واسم الدلع له عبودي






كان هذا الببغاء يحلم بعش صغير يلمه مع شريكة حياته
فقد عشقها حتى الموت ..

كان يذهب كل ما حل الليل الى عشها ليراها من بعيد وهي
رافعه ريشها عن الماء وهي تغسل العش ..

ولكن كانا ابواه رافضين هذا الزواج
فهم يقولون له " عندك بنات عمك وبنات خالك "
يوم انك تنقز لـ هذي " الحمامه " ليش
لاهي مننا ولا حنا منه ..


وش يقولون بكرا عننا عمامك
يقولون ليه ما هن مالياتن عينه بنات اقاربه ..


صدمه الزمن بالواقع
فأصبح يجلس وحيداً ويهرب من زملائه الطيور الاخرى
وكان اقرب اصدقائه " الخفاش "

كان يفضفض له دائماً

فقال له الخفاش :
مالك الا تنسى .. خذ زقاره بس
وتعال تشقلب معي اريح لك :white:

وبدء يشرب معه
ايلين صار يحرق بكتين باليوم
وبس يناظر لصورته اللي معطيته اياه





وفي احدى المرات
وهو ماسك الزقاره بيده وطاير لم اهله
ويتقابل هو والحمامه بالسما

ويقلب الزقاره تحت جناحه
يبيه ما تشوفه ..

قالت له وين الغيبات يا عبودي
وبعدين وش هالدخنه اللي تعجعج من تحت جناحك ..
قال هذي حرارة اللقا احرقت قلبي

قالت ايا الخسيس
هذي ريحت تتن
وتسقط من عينه دمعه .. وتمسحه باصابع رجليّه

قالت ليه تسوي كذا ؟
ما انت عبودي اللي اخبره
مانت اللي كان من العش للعش .. ومن العش للعش

قال لا تلوميني

حبك هو اللي بهذلني
حبك اللي وصلني لهالحاله ..!


وتطير من عنده وتروح لعشه تبكي
وتشغل :

انا ما خنته تبلاني
وراني العذاب امرار


وتحت الشجره اللي به عشه
ساكن .. نقار الخشب

قاله

وش عندك يا احلام مستغانمي
قصري الصوت لا اجي انقـّر جبهتك واوريك العذاب امرار زين..


راح عبودي يم اهله
الا هم يقشمون حب ابيض بعد المغربيه
قال ابوه وشبك وجهك اصفر
قال من زين وجهك انت << برى النص

قال تعال يا وليدي والعن ابليس وقشم معنا
ويعطيه ابوه حب ابيض ..
وياخذه عبودي وينزله بالارض

قال ليه ما تقشم ..
قال مانيب مقشم لين تعطيني طلبي
قال اطلب غير الحمامه

قال الا هي
وان ما رضيت تراني بترك البيت ..

قال رح روحت جدي اللي طار ولا رجع



وهو يطلع من البيت

ومن يومها وهو ما ياكل ولا يشرب ..




لين وصلت معلومات انه عايش بقفص عند ناس