ديرةٍ ما أنتي وسطها لا حشـا مـا هيـب ديـره=والمكـان اللـي يضمـك الأكيـد أغـلـى مـكـان
يا امبراطـورة حياتـي يـا المليكـه يـا الأميـره=ما بقى فـي الحـال شـئ ألا بعـد فرقـاك شـان
لك خفوقي غربّي به مامعي في الصدر غيره=ليـت للخفـاق نسخـة كنـت أبنسـخ لـك ثـمـان
لـو تحـدى الغيـر قلـبـي والله أنــه مــا يثـيـره=ما أحدٍ غيرك قوى لحظة على كسب الرهان
صـدتـك عـنـي وبـعــدك حـاجــةٍ والله كـبـيـره=لو أخفـي الحـزن فينـي يـا بعـد عمـري يبـان
فيـنـي جــروحٍ كثـيـره مــع سوالـيـفٍ كثـيـره=لـو عرضـت جـروح قلبـي للحديـد الـيـوم لان
امتحنتي الشاعر اللي ما سمع للحـب سيـره=لين شافك صار عمـره بيـن لوعـة وامتحـان
ما معه غير الورق وأقلام حبرٍ مـع حصيـره=راح ليـلـه بـيـن يــا وبـيــن لـيــل وبـيــن دان
لا الهنوف ولا تهانـي لا ولا الأخـرى شكيـره=كلهـن مثـل السـراب إليـا طـرت نظـرة حنـان
هو صحيح الكـون فيـه ألفيـن × ألفيـن ديـره=لكـن أرضـك يـا حياتـي الأكيـد أغـلـى مـكـان