لاجديد
لاأحدد يدقق بالحيل
مالها محل الا هنيا
لك مدةٍ وانته علي تحومى = أبلشتنى تبغا جداد علومى
وتقول يا خالد علامك ناحف = قلى رجيمك ويش يالمعصومي
وحذرا تقول انك تحب وتعشق = الحب ما نحف كبار القومى
قلت ايه لا تكثر على النشدة = الصدر إله مدة وهو مكتومى
اصارع الهوجاس ويا وقتى = والصدر من كثر الشقا مهمومى
مرات احس ان ملكت العالم = ومرات احس انى بشق هدومى
أهرف سوات الذيب وانت متنح = تصرف بقايا ترثت المرحومى
ياطيب راسك لاهبدت الكعكه = وياشين فعلك بالدجاج الرومي
تطحن سوات الحب والطحانه = دايم وظرسك يالصتيمه يومى
أبك أنت كبدك مثل كبد الفاطر = خلطت حلواها مع الاندومي
والحقتها بيبسي وروبٍ خاثر =فعلك كذا وانته بعد مزكومى
عسي عدوى فاكهه فى كفك = أنشهدنك تطحن البرشومى
وعقب العشاء والوجبه اللى دسمه = يحظر مجال التتن والسلومي
كنك ليا جريت راس معسل = دخان مرسيدس شبح معدومى
وتبغا تخفف كيف بس تخفف = عساك تسلم ما يجيك اللومى
بالليل مسري والصباح مخنيب = وتقول عينى ما يجيها النومى
تدرى انا والله شايل همك = لحيث يومك يختلف عن يومى
أبك أنت لو تطيح كيف اشيلك = هاذى علومى لن بغيت علومى
هاسلموا وسلموا