[حسن آل مسفر]

:white: :white:

هذي مجموعة صور لمدينة الرياض منذو مبطي

ترا الصور بتبطي شوي في التحميل بس عادي تحملوا

يقولون وعلى ذمة الراوي انها تعود للعام 1379هـ - 1960 م

يعني يوم الحصى خبز قبل الطفره

انا علقت على الصور من راسي واوجه هالصور لابو نوت نظراً لانه من هاك الوقت ويخبر اكثر مني




اتوقع ان هذا طريق المطار القديم (( طريق الملك عبدالعزيز ))

يقولون ان المصور اللي اخذ هالصوره راح في حادث دهس يستاهل مسوي لي فيها مصور محترف وراح وسط الشارع ومثل ما انتم شايفين الشارع زحمه :white:



هالثنتين كانوا ثلاث بس خويتهم ما تبي تتصور تخاف من الفضايح تقول مايكفي فضيحة برجس :white:

وهن الثلاث اللي فيهم الاغنيه اللي تقول (( في شارع عبدربوه قابلوني ثلاثن رايحين الصالحيه ))

بس الدبلكس اللي قدامهن غير طبيعيه هي وسيارة نادي الوحده اللي واقفه




شوفوا الاستغلال الجيد للمياة وعدم هدرها قالبين المستنقع مغسلة سيارات وسياكل

انا اللي قاهرني راعي السيكل ليش يغسله يقال له بيوضح الحين انه مغسول tsh7




هالمحطه على امتداد شارع الوزير اللي هو شارع الملك فيصل رحت دورتها هالحين مالقيتها الظاهر انها تطورت وصارت بنك :white:



هالسوق ما ادري وينه فيه بس هالشايب اللي لابسن بشت اصفر خطير والله مسوي يكلم جوال يبي يلفت انتباه العجوز اللي تمشي قدامه :white:



هذا الشارع الظاهر انه شارع السبله فيما يبدو لي

<<<<<< تكفى



هالصورة ما ادري وينها فيه بس اشوف مكتوب محطة اليمامه واتوقع انها في حي اليمامه

لكن هالناس المتجمعين ما ادري وش يبون الظاهر انهم في ملاهي كشف <<<<<< بدون حوش يعني :white:



نفس المحطه اللي قبل شوي بس هالحين وجه مو قفا واللي يخلي الواحد يهستر ان كل اللي في المحطه سياكل مافيه ولا موتر tsh7



اما كزينوا الرياض تحس انك في مصر وانواع التنقيط :white: كزينو الليل على غفله



هذا فندق قديم وتصدقون لا زال موجود حتى الان وبنفس شكله بس مهجور ومابه الا حمام

<< قصده الحمام اللي يطير :white:



هذي الحديقه صار فوقها مركز الملك عبدالعزيز التاريخي




هذا القصر كان قصر بس الحين صار المحكمه المستعجله في الرياض




هذا دوار العامود :white: و احسن شئ بالصورة عربية العفش واللوحه اللي تقول اتجه لليمين ذكرتني بلوحة البقاله من هنا :white:



هذي الصوره الظاهر انها من سوق الزل اللي شرق امارة الرياض بس ما تلاحظون معي ان ربعنا شخصيات من زمان كلهم لابسين بشوت واللي تحت البشت شئ يهول واتوقع ان لبس العقال كان تحصيل حاصل :white:



ومثل ماقلت لكم هالصور ترجع لعام الرماده يعني منذو مبطي واللي كان عنده كميرا مثل اللي عنده قصر هالحين

<<<<<<< ابوك يالتشبيه

عموما اتمنى يكون الموضوع اعجبكم

على فكره الصور ملطوشه

الصور ملطوشه بس التعليق من دمجتي :white:

تشاووووووووووووووووووووووووو