[حسن آل مسفر]

الرسالة الأصلية كتبت بواسطة متعب الخامسي

وصلنا للمعزب طبعا" ماكان موجود لحضتها الظاهر إنه كان مضيع بيتهم :white:


وكان إنسان قمة في الاخلاق والذوق


وبعدين على فكرة ترى اهم شي في التعامل الاخلاق والروح المرحه

وإلا كلنا بنروح من الدنيا ماخذنا منها إلا عملنا

زبدة الكلام إن الرجال هذا من طيبه واخلاقه


اثبت لي وش معنى اهم شي الاخلاق :white:



دخلنا بيته وكعادت الحرار ماتسكن إلا كل عالي <-فاصل من المهايط :white:


جلسنا وشربت فنجالين والثالث قلت اكرم <- احس إن ذا السطر ماله سنع بس لزوم التسلسل الفكري للقصه :white:

^
^
^
^

المعزب طبعاً ابو مران ياحبي له والصراحه على قولة متعب اهم شي الاخلاق :white:

الرسالة الأصلية كتبت بواسطة متعب الخامسي

بداء الحفل .. قصدي بدو الضيوف يجون بصراحه ماذكرهم بالترتيب <- من باب الامانه العلميه :white:


بس اذكر اول واحد جاء كانت له سوالف كثيرة في المنتدى عن اسهم البلاد وغيرها من الاسهم

ويوم جاء كان ساكت لدرجة إني حسيت إنه حاقد علي


وانا في طبعي حساس :white:

بغيت اقوله ياخي وش انا مسوي لك ؟ ياخي سولف معي ياخي :white:


بس للأمانه الرجال هذا خلوق ومحترم ولايهونون باقي الاخوان

<- لاهنت :white:


والحمد الله سولف معي :white:

^
^
^
ولا تهون يابعدي :white:

محمد العريني (( الحراب سابقاً )) :white:

الرسالة الأصلية كتبت بواسطة متعب الخامسي

وبعده بداء المجلس يكتمل با الاخوان


كان على يساري رجل كبير في السن بانت عليه اثار الشيخوخه :white:


وبصراحه كنت اتوقعه إنه اكبر من كذا ولكن مشاء الله عليه مابان عليه الكبر

قبل اشوفه كنت احترمه

ويوم شفته احترمته زيادة :white:

^
^
^
^
ابو نوت شايبنا الله يحفظه لنا ويجعله ذخر للأمة العربية والاسلامية :white:

الرسالة الأصلية كتبت بواسطة متعب الخامسي

وكان على يساره احد الاعضاءالعزيزين والغالين


بصراحه هذا هو الانسان الوحيد اللي تشوفه في الصورة نفس الطبيعه مافيه فرق

من يوم إنه صغير الين كبر وهو نفس الشكل مشاء الله عليه

الظاهر حتى لو لبس تكميلة ماراح يتغير شكله ..

الله يطول عمره :white:

^
^
^
^
محمد العمري :white:

الرسالة الأصلية كتبت بواسطة متعب الخامسي

على فكرة كان ضمن الموجودين واحد مدري منهو كل شوي يقول:

كان جالس هنا فلان الله يرحمه وكان جالس هناك بعد الله يرحمه

بصراحه حقدت عليه وحسيت إنه ساقط في السوالف

وخصوصا" عقب ما اشر على مكاني :white:

^
^
^
^
وحتى انا ما ادري من هو هالشخص لاني الظاهر جيت بعد ما مشى :white:

الرسالة الأصلية كتبت بواسطة متعب الخامسي

كان الجو هادي في البداية وبعدها تكلم احد الاخوان لا يحضرني اسمه حاليا " :white:

وهو يسولف يذكرني بمذيع روافد الي يجي في العربيه

بس بصراحه اعطى جو للجلسه

في وقتها تمنيت إني اشرب علشان انسى

ترى قصدي اشرب قهوة لا يغويكم الشيطان :white:

بس بصراحه تفهم من كلامه إنه انسان واعي ومثقف بس الوقت ماكان مناسب

لأن السوالف قبل مايجي كانت داجه كلها عن لوحة هنا البقالة :white:

^
^
^
^
عايض الشمراني (( نديم الوجد )) :white:

الرسالة الأصلية كتبت بواسطة متعب الخامسي

وبعد القليل من الهدوء سمعنا صوت هواء قوي جاي مع الباب


تفاجئنا بالي جاينا على (عصى مكنسه) لابس ثوب عماني :white:

اول مادخل حسبته ساحر ولكن الي طمني إن الشباب كانو يعرفونه


واستغربت يوم قالو لي إنه فلان الفلاني :white:


وكان اللي شادني فيه بصراحه لون ثوبه

كنت اتأمل اللون واقول لخوي تتوقع هذا لون ثوبه الطبيعي والا منكب عليه حبر ؟! :white:

ردي علي اخوي الكبير وقال : لا يافلذة كبدي :white:

هذا من وفد عمان المشارك في الجنادرية راحو ونسووه في النظيم :white:


واسترسل اخوي الله يحفظه ويرعاه وقال:


اتوقع ان اللي منكب على ثوبه ياحبر او انه مكثر نيله وهو يغسله :white:

بس بصراحه هو إنسان ودك تقراء له ولا تشوفه :white:


بس ترى مهيب عيب . طبيعة كل المبدعين كذا ..


حتى انا كنت كذا <- يحاول يرقع :white:

^
^
^
^
الساحر العماني صالح العبدالكريم :white:

الرسالة الأصلية كتبت بواسطة متعب الخامسي

وبينما كنا جالسين وقعت في ايدي بالصدفه صورة احد الاعضاء وهو صغير


كانت صورة كلها براءه شفتها وحسيت إن الساحر جايبها معه من الجنادرية :white:


شفتها انا والشايب الي جنبي كان العضو في الصورة مطول شعره ولابس عقال

يسئلني الشايب يقول ذا الي فوق راسه عقال قلت لا اتوقعه إنه رابط شماغه بجدايله :white:



ولكني من هذا المنبر .. :white:



اتمنى من العضو الكريم إنه يحللني ويبيحني انا والشايب :white:

^
^
^
^
عبدالرحمن الربيع ابو عيون :white:

<<<<<<<< وده يحط الصورة بس يخاف على مشاعر الاخرين

الرسالة الأصلية كتبت بواسطة متعب الخامسي

ركب معنا الشايب وسرينا بصراحه سوالفه ذربه


بس كانت اسئلته واجد :white:

من كثر ماسئلني كنت انتظر إنه يسئلني عن اسم شغالتنا :white:



احس إنه عقب ذا الموضوع بيقول الشرهه على الي يركب معكم :white:


كان من ضمن السوالف قال كلمه يقول إنه قد قالها للشباب ومعرفوها

سئلنا عنها
وقال : تعرفون معناها

قلنا :معقولة فيه احد مايعرف معناها بس تصدق صعبه وشلون شرحتها لهم

وشرحها لنا وفهمناها بعد الشرح

ومن هذا المنبر اعترف لشايبنا العزيز

والله ماعرفناها إلا بعد ماشرحتها :white:


وبعدها وصلناه مع إنا كنا نتمنى إن الطريق يطول لأن سوالفه ماتنمل جد .

^
^
^
^
ابو نوت وناصر ومتعب :white:

الرسالة الأصلية كتبت بواسطة متعب الخامسي

مقتطفات من الرحلة


كان هناك احد الاعضاء بيجي بس يقولون إن الدوريات مسكته

من كثر ماشافوه يفرفر وهو مضيع البيت وشكوا فيه


يحسبونه بيسرق اللوحه اللي مكتوب عليها هنا البقاله :white:

^
^
^
ابراهيم الرشود :white:




هذولا كل الشخصيات اللي كانوا في الموضوع واللي تكلم عنهم متعب

<<<<<<<< عنده مداخله


طبعاً كان يساري ناصر وكل ما دخل واحد ابي اعرفه عليه فا اقول هذا فلان <<< قصدي اسمه المستعار في شعبيات لانهم مايعرفونه الا بالاسم ذا وجحدت اسمه الحقيقي وبعد ما رجعت بيتي حسيت كتفي اليسار يبي له تدليك وخاصة يومه ينشدني عن عايض الشمراني وهل هو معنا في شعبيات وانا كل شوي اقول له ايه ياخي حتى اني حسيت ان عايض يناظر فيني وانا اتساسر مع ناصر والظاهر يحسبنا نحش فيه :white:


ويوم دخل ابو نوت نشدني ناصر ومتعب عنه وقلت لهم هذا ابو نوت قالوا يعني نحب على كتفه قلت ايه يمديكم بالراحه :white:

المهم المره الجايه ابجلس واخلي ناصر على يميني عشان يصير فيه مساواه بين الكتفين الايسر والايمن :white:

تشاوووووووووووووووووووووووووووووووووووووو بطعم الفضايح يالله لا تكشف لنا ستر