[عذوب]

شاعر كلاسيكي النزعة .. مترف الخيال وغني اللفظ .. أرهقته المسئوليات منذ طلائع السبعينات .. وما زال حتى الآن يلوذ بالشعر عن زخم الهموم .. تاركاً الحرف يحلّق به خارج قضبان الأيام ...

وُلد وعاش في عنيزة .. تتنازعه أهواء البداوة .. وواقعية التمدن . يقتات الشعر ، ولا يقتات منه ... لديه عشرات القصائد المهملة .. والتي حرمها حق الانتشار والتمعن بروعتها، هو أنه يرى في الشعر متنفساً له وحده ..

ربما مرّ ببعضكم بعض القصائد له.. دون أن تعرفوه .. مثل " فتحت القلب يا فتنة " أو : كتبنا لك من الأشعار " . وقد تغنى بهما حمد الطيار في مرحلة سابقة ...

وقفة وفاء خاصة للشاعر حمد الهقاص البقمي ..

وهنا.. قصيدته الأجمل في نظري...


لذائقتكم ...



أنا لـــج بي مركب غرامي ولجلجن = هواجيس قلبي صوب حيٍّ يحبنّـه
بـــه اقضي بهيم الليل والهم عذبنّ = به اسهر إلي نام المعافا عن الونّه
أجي له عليل القلب وأمسي بذا الوطن = خليع من أفكاري وحالي كما الشنّه
على من هجر ذا الحي والحي به حين = ليالي التصافي بيننا يالله الجــنة
أسـامر غزال ساجي الطرف سامرن = نديم عديم والغواني يخدمــــنّه
عليــــنا شراع العز ظافي وربربن = سحايب ربيع القلب والولف قادنـّه
قضـــينا ثلاث سنين ماعاد عاهدن = وثيق بليا عهد والعهـد مافـــنه
أجي له إلي ما أسبل ظلامي وهرفنّ = نجوم الفلك والواش غافل على الحنة
صفينا وقضينا ثلاث ولي صـــفن = ومن عقبهن دارن ثلاث وجـــرنّه
حكم بيننا الدهر مثل ماوطــــن = ليالي الدهر للريف والعام يسقنــّه
تحدان وقتي لين وداه وابعـــدن = والأيام تضحك بيننا لين ودنــــّه
بعيد النيا عني وأنا عنه غربـــن = شموسي وشمسه شرق والبيد حدنـه
أنا كيف ابسلى واكسب الحال بالبدن = وأنا ما تشوف عيوني اللي يودنــّه
عيوني تشوف رسوم قصره وشرعن = متاريس عينه والنواظر يحوفنـــّه
إلي غاب من همه بهمه تعرضــن = سواليف من بيني وبينه لها خنــّه
تمخليت به والجو خالي من السكن = شرينا وبعنا لا غصــايب ولا منّــه
توالفت أنا وإياه من يوم لي لفــن = به حلوم ليلي قبل اعرفه يجيبـــنّه
يزورن بحلم الليل من قبل يخلقــن = حلاياه واوصافه الي نمت جابنـــّه
ألا ياحلوم الليل إن كان لي بكــن = مرام ومقصود على شان تلفنّـــه
أنا ماقدرت أرسل مراسيل يشرحـن = غرامي وأنا من خوفتي مايمـرنــّه
مراسيل بالهوجاس تلفيه من وعـن = وتذكار له عندي تصاويره وفنــه
فلا عاد تشفيني فلاشك لي بهــن = مرام لعل القلب يسلى عنه هنــــّه
ألا يانجوم الليل بالله بلغـــّن = سلامي عليه وقولي انــك على ظـنه
ألا ياهبوب النود بالله ذعذعــن = على ورد خل كل الأوطان يفدنـــّه
ألا يا حمام الدوح بالله غـــردن = على دار ظبي كل الأوصاف جادنــّه
أبقسم برب البيت ما أنساه لو نسن = بنات العرب لطفالهن ليلة الشنــّه
عهد بالولي ما نساه لو كان نصبن = مراسيم قبري فوق صدري وضامنـّه
أنا إن هل راس الشهر ماجان بلبلن = طيور المنايا فوق عمري وشالنــّه
أعيش بجسم من غير فكر ولا ذهن = هبيل خبيل هــوج الأيام فرنـــّه
ترى راحتي موتي ولامت بان من = وش أسباب موتي منه والبيض يقرنـّه
قتيل بليا رمح وسهوم ماصــطن = قتيل على فرقا وليف يعرفنّـــه