رد : دعـــوه لتــدويــن المشـــاعر .. ورســــم الحـــروف ..!!
لـ / الغيبوبه : كلمات إشتياق
إن تعددت أسباب إجتثاث من نحب ..!؟
قالولي إني أشبهك / حتى بملامح طيبتك
.......... الحمد لله يوم خـلا لي خـُطا / تـتبع خطاك
رغم إن ما هز الخفوق : إلا طواري غيبتك
.........ببقى على وعد السنين/ اللي رسمهالي غلاك
مدّيت كفّي للسما / إشتقت اصافح شيبتك
........المس مصابيح إكتست..لون البياض اللّي كساك
يا ليت للذكرى شفاه / لا سولفت عن هيبتك
........ اقرى ملامحها / مثل / ما كان يقراني رضاك
كل الدروب ليا مشيت / تحكيلي عن توجيبتك
........ وكيف إنها شالت كثييير وما لقت أحد بوفاك
وكل النوايا اللّي تخاف الله / خذت من ريبتك
........ شي ٍ تجمّل به / عساها / بالعطا تاصل عطاك
حتى الرياض / اللّي تقول / إنه غدت حبيبتك
........ من يوم رحت:وهي تعزّم تاقف / وتقبل عزاك
أثر المسا / ماهو مسا / دامه فقد ترحيبتك
........ مدري تغيّر /أو أنا أتغيرت /أو متنا معاك
لو هي على حزني يبـه بأصبر/ بس.. مصيبتك :
......... باللّي عجز يلقى حزن بالكون يستاهل رثاك
يا صغر هـ الدنيا بعيني / لا طرت لي غيبتك
......... دام المشاعر لا غفت عن صوتك..تفز لصداك
الموت حق : ولو يخيّر / إستحى ..من طيبتك
......... وإستغفر الله ما تعدّى باقي الخلق ..وخذاك ..!
ص . ع
اخر تعديل كان بواسطة » صالح العبدالكريم في يوم » 27-04-2005 عند الساعة » 04:27.
|